Anne-Olaug Ingeborgrud () var ein norsk lærar, politikar og forfattar frå Nes i Akershus. Ho var stortingsrepresentant for Kristeleg Folkeparti frå 1977 til 1981.
Anne-Olaug Hunstad var dotter til ein gardbrukar på Årnes i Nes. Ho gifta seg til ein annan gard i heimkommunen, og under namnet Anne-Olaug Ingeborgrud var ho medlem av kommunestyret i Nes frå 1960 til 1971. Valperioden 1977-81 representerte ho Akershus fylke og Kristeleg Folkparti på Stortinget. Ho var då medlem av Finanskomiteen og Valkomiteen, samt sekretær i Odelstinget.
I 1981 vart Ingeborgrud vald til andre viseformann i Kristeleg Folkeparti, deretter var ho fyrste viseformann 1985–87. Då Kristeleg Folkeparti valde å gå inn med sine folk i Willoch-regjeringa i juni 1983, vart ho statssekretær under Kjell Magne Bondevik i Kyrkje- og undervisningsdepartementet, ein jobb ho hadde til 1. november 1985.
Ingeborgrud var oppteken av lokalhistorie, og då særleg frå heimbygda Nes på Romerike. Ho skreiv mellom anna bøkene: Glimt fra livet på Skauen før 1950: Nes på Romerike, Nes bygdebok (1989) Kvinner i arbeid for hjem og samfunn (1992) I Livets tjeneste: Jordmor Annes fargerike liv (1993) Stasjonssenteret Årnes vokser fram (1997) Glimt fra Gamle Los Christianos (lokalhistorie frå Tenerife, 1998)
Ho vart tildelt Kongens fortenstemedalje i sølv i 1995.
Kjelder
Kategori:Stortingsrepresentantar 1977-1981 Kategori:Stortingsrepresentantar frå KrF Kategori:Stortingsrepresentantar for Akershus Kategori:Statssekretærar i Regjeringa Willoch Kategori:Statssekretærar frå KrF Kategori:Lokalpolitikarar i Nes Kategori:KrF-politikarar i Akershus Kategori:Kongens fortenestmedalje i sølv Kategori:Norske sakprosaforfattarar Kategori:Folk frå Nes