Jacques Rousseau () var ein fransk friidrettsutøvar frå Basse-Terre på Guadeloupe. Han vart europameister i lengdehopp i 1978.
Aktiv Rousseau kvalfiserte seg til finalen under friidretts-EM 1971 i Helsingfors med eit hopp på 7,82 m. I finalen enda han på ellevteplass med moderate 7,56 m. Under Sommar-OL 1972 i München hoppa han 7,65 meter og vart nummer ti. Same plassering fekk han ved europameisterskapen 1974 i Roma.
I 1973-sesongen var Rousseau nær ved å slette den franske lengderekorden på 8,16 m, men landa tre cm for tidleg. Våren 1975 sigra Rousseau med 7,94 meter i EM innandørs i Katowice. Året etter forsvarte han i München meistertittelen med eit hopp på 7,90 meter. Den 26. juni 1976 gjorde han sitt livs lengste hopp og sette landsrekord med 8,26 meter då han vart fransk meister i Lille.
Rousseau reiste til Sommar-OL 1976 i Montreal som ein klar medaljekandidat. I lengde-finalen stoppa han på 8,00 meter og vart nummer fire, to centimeter bakom bronsevinnaren, austtyske Frank Wartenberg.
Etter å ha kava med å kvalifisere seg til lengdefinalen ved europameisterskapen i Praha i 1978, slo Rousseau til med 8,18 meter i finalen, ny meisterskaprekord og gullmedalje med ein margin på seks centimeter til Nenad Stekić, som representerte Jugoslavia.
Medaljar og plasseringar i internasjonale meisterskap EM 1971 i Helsingfors: Nr 11 – 7,56 m OL 1972 i München: Nr 10 – 7,65 m EM 1974 i Roma: Nr 10 – 7,58 m OL 1976 i Montreal: Nr 4 – 8,00 m EM 1978 i Praha: Gullmedalje – 8,18 m, framom Nenad Stekic (8,12 m)
Kjelder World Athletics
Kategori:Franske lengdehopparar Kategori:Europameistrar i friidrett for Frankrike Kategori:Franske deltakarar under sommar-OL 1972 Kategori:Friidrettsutøvarar under sommar-OL 1972 Kategori:Franske deltakarar under sommar-OL 1976 Kategori:Friidrettsutøvarar under sommar-OL 1976 Kategori:Folk frå Guadeloupe