Samarskitt er eit svart, bekaktig, radioaktivt mineral som finst på granittiske pegmatittgangar, ofte saman med columbitt. Den kjemiske samansetjinga er særs komplisert, mineralet er i hovudsak eit oksid av niob, tantal, yttrium, lantanoidar, uran med fleire. Mineralet opptrer i metamikt tilstand. Yttrotantalitt er eit nærskyldt mineral der tantalinnhaldet er høgare enn niobinnhaldet.
I Noreg finst det særleg i Østfold, ved Spro på Nesodden og i Iveland.
Samarskitt vart først skildra i 1847 etter ein førekomst i Miass i Ilmenfjella sør i Uralfjella i Russland. Grunnstoffet samarium vart først isolert frå ein prøve av samarskitt i 1879. Samarium vart kalla opp etter samarskitt som igjen vart kalla opp etter den russiske gruvedirektøren Vasilij Samarskij-Bykhovets (1803–1870).
Kjelder Samarskitt. (14. februar 2009). I Store norske leksikon. Henta 14. februar 2014.
Bakgrunnsstoff
kategori:Uranmineral kategori:Yttriummineral kategori:Lantanidmineral kategori:Jernmineral kategori:Niobmineral kategori:Tantalmineral kategori:Oksydmineral kategori:Ortorombiske mineral