Покраината Ливорно () е покраина во регионот Тоскана во Италија. Во нејзин состав влегуваат и неколку острови на Тосканскиот Архипелаг, меѓу кои и Елба и Капраја. Нејзин административен центар е градот Ливорно. По формирањето во 1861 година, во состав на покраината биле вклучени само Ливорно и Елба. Нејзината територија била проширена во 1925 година за сметка на покрините Пиза и Џенова. Покраината Ливорно зафаќа површина од 1211 квадратни километри, а во неа живеат 343.003 жители (2012). Во покраината има 19 општини. Крајбрежјето на областа е познато како Етрурски брег („Costa degli Etruschi“).
Покраината Ливорно е крајбрежна и има многу крајбрежни градови. Ливорно е важно пристаниште за туризам и трговија, а во близина на градот има многу караули. Во Калафурија, морето изобилува со сунѓери, школки, риби и заштитени црвени корали (Corallium rubrum). Крајбрежјето е претежно карпесто. Во водите околу покраината Ливорно понекогаш има делфини. Во Градот Сан Винченцо има кула од четиринаесеттиот век. Песокот на Голфо ди Барати е сребрен и црн поради високата концентрација на железо, а во областа има археолошки парк.
Административна поделба
Општини Покраината е поделена на 19 општини.
Бибона Кампиља Маритима Кампо нел'Елба Каполивери Капраја Исола Кастањето Кардучи Цецина Колесалвети Ливорно Марчана Марсиана Марина Пјомбино Порто Азуро Портоферајо Марина во Рио Рио нел'Елба Росињано Маритимо Сан Винченцо Сасета Суверето
На 30 април 2014 година, најголеми населени места биле: Општина Популација Ливорно 160.512 Пјомбино 35.075 Росињано Маритимо 32.493 Цецина 28.566 Колесалвети 16.907 Campiglia Marittima 13.320 Портоферајо 12.224 Кастањето Кардучи 8.927 Сан Винченцо 7.003
Наводи
Надворешни врски
Официјална веб-страница (италијански) Туристички одбор во Ливорно (англиски)
Категорија:Покраини во Италија Категорија:Покраини во Тоскана Категорија:Ливорно (покраина)