Сенки — македонски филм од 2007 година, режиран, произведен и напишан од страна на Милчо Манчевски. Сниман е на повеќе места во Скопје, Охрид и неколку други места низ Македонија. Сенки бил македонски кандидат за номинација за Оскар на 80-тото доделување на наградите на Академијата, но истиот не влегол меѓу петте номинирани.
Содржина
Успешен млад доктор, Лазар Перков, оженет за прекрасна жена со која има дете. Тој има сè – дури и неговите пријатели и роднини го нарекуваат „Лаки“. Но, изгледот некогаш залажува; и покрај сите земски задоволства, Лазар константно се обидува да ги задоволи своите мајка, татко и незаинтересирана сопруга. Секој ден му е ист, сè додека еден ден едвај преживува тешка сообраќајна несреќа.
По закрепнувањето, Лазар се соочува со луѓе кои наизглед умираат повеќепати, и секогаш ја носат истата порака: „Врати го она што не е твое. Имај почит.“ Откако Лазар сфаќа дека овие негови привидувања не се само соништа, туку дел од секојдневниот живот, тој доаѓа до заклучок дека тие се изгубени души кои сè уште не нашле мир во другиот свет, и успева да открие што всушност треба да врати.
Улоги Глумец/ка Улога Борче Начев Д-р Лазар Перков Салаетин Билал Герасим Весна Станојевска Менка Сабина Ајрула-Тозија Д-р Вера Перкова Ратка Радмановиќ Калина Диме Илиев Игњат Перков Петар Мирчевски Благојче Илко Стефановски Д-р Карпузовски Владимир Јачев Д-р Шишкин Гоце Влахов проф. Кокале Филарета Здравковиќ Гордана Борис Чоревски Стамат Владо Дојчиновски Борче Лазе Манасковски Таксист Милица Стојанова Васил Шишков Монахот Јоана Поповска Славка Бранко Бенинов Болничар Зора Ѓоргиева Тетка Јерусалимка Нино Леви Михо Мустафа Јашар Трајче Љупчо Бреслиски Ефтим Петар Димоски Тасе Катерина Коцевска Наџи Шабан Методи Абдурахман Рахман Љузлим Жаклина Стевковска Паца Благоја Спиркоски-Џумерко Антонио Димитриевски Келнер Зорица Нушева Медицинска сестра
Реакции и рецензии Филмот своја премиера доживеал на Меѓународниот филмски фестивал во Торонто, а бил прикажан и на уште неколку други познати фестивали. Во основа, истиот бил добро прифатен, при што еден филмски критичар има изјавено дека истиот е „најамбициозниот филм на Манчевски до денес“. Патрик Мек Гевин од Screen Daily рекол дека „Сенки“ е „гламурозен и уредно среден [и дека Манчевски…] има добро око за композиција, водено од сензуалната, убава фотографија на италијанскиот кинематограф Фабио Чанкети.” Како особен квалитет на филмот Мек Гевин ја издвојува и „заводливата, откривачка улога на живата, особено привлечна млада глумица Весна Станојевска, професионален музичар во своето филмско деби. Таа на филмот му вбгризува особен еротски интензитет”. За режисерот на филмот, пак, Милчо Манчевски, „Сенки“ „е приказна за односот кон ближниот свој“. Заедно со „Балкан-кан“, „Сенки“ е најгледаниот филм во македонските кина.
Наводи
Надворешни врски Сенки на ИМДб Галерија Shadows IMBD reviews "Odgovornost je kljucno pitanje" - Interview for Slobodna Dalmacija [Vesna Lausic (2008)] Cinema Without Borders Democrat and Chronicle jbspins.blogspot.com The Village Voice [Aaron Hillis] The Popcorn Reel Stylus Magazine Slant Magazine [Andrew Schenker] Moving Pictures Magazine Hollywood Today (Michelle Foody) Goodtalking (Nada Vukovic) (In Croatian) Feral Tribune (In Croatian) "SJENE: U carstvu (sestog) cula" - Article in Slobodna Dalmacija [Marko Njegic (2008)] "Sex, Death, Eroticism And Psychological Horror..."-Article in Popcorn Reel [Omar P.L. Moore (2009)] "Sexuality and Melancholy" [Katerina Kolozova] "Film Review: Shadows" in Spirituality & Practice [Frederic and Mary Ann Brussat (2009)]
Категорија:Македонски филмови од 2000-тите Категорија:Филмови на Милчо Манчевски Категорија:Филмови од 2007 година Категорија:Македонски филмови понудени за номинација за Оскар за најдобар странски филм Категорија:Македонски дела од 2007 година Категорија:Појавено во 2007 година во Македонија Категорија:Филмови снимени во Скопје Категорија:Филмови снимени во Охрид