Емилија Марија Фогелклу-Норлинд (20 јули 1878 година во Симрисамн - 26 септември 1972 година во Упсала, Шведска) била шведска пацифистка, теолог, феминистка, авторка и предавачка. Таа била првата жена во Шведска која добила диплома по теологија, а нејзините дела опфаќаат 28 објавени книги.
Биографија Ќерка на окружниот матичар, Емилија Фогелклу се истакнала како студент. Откако присуствувала на Кралски колеџ за обука на високи наставници, таа станала учителка во Гетеборг и почнала да пишува, првично за религиозно образование. Била вклучена во движењето за образование на работниците и пишувала за прогресивна образовна реформа. Во 1909 година, станала првата жена во Шведска која добила диплома по теологија.
Во 1915 година, Фогелклу присуствувала на женската мировна конференција во Хаг. Таа постанала рана членка на Женската меѓународна лига за мир и слобода и продолжила да придонесува за либералното феминистичко списание Тидварвет. Нејзината посветеност на меѓународниот мир подоцна се гледа во нејзината работа со Цивилна меѓународна служба, по Втората светска војна."Emilia Fogelklou". Women In Peace. Retrieved 6 April 2021."skbl.se - Emilia Maria Fogelklou". skbl.se. Retrieved 6 April 2021.
На 52-годишна возраст, Фогелклу ја добила стипендијата Зом на Фондацијата Шведска-Америка, која и овозможила да студира социологија и психологија во Њујорк и Чикаго. Таа држела предавања на овие теми по нејзиното враќање во Шведска, но нејзината кариера во образованието добила удар во 1938 година, кога и била одбиена професорската позиција во Упсала. Меѓутоа, во 1941 година станала првата жена на која и била доделен почесен докторат по теологија."skbl.se - Emilia Maria Fogelklou". skbl.se. Retrieved 6 April 2021.
Иако е опишана како човек која лесно стекнува пријатели, Фогелклу страдала од напади на депресија. На дваесет и четири години доживеала духовно богојавление кое ја спасило од работ на самоубиство. Во 1922 година се омажила за Арнолд Норинд, географ кој го делел нејзиниот духовен поглед. Бракот бил среќен, но краткотраен - Норлинд подлегна на туберкулозата во 1929 година. Две години подоцна, Фогелклу станала една од првите квекери во Шведска, приклучувајќи се на Друштвото на пријатели во 1931 година.
Емилија Фогелклу починала во 1972 година. Таа е погребана на гробиштата Вестра Алштад во парохијата Андерслов, округот Сконе. Нејзиниот епитаф гласи: „Уште има светлина“.
Наводи
Надворешни врски
Емилија Фогелклусалскапет „Кога животот беше најблескав“ Ендрус, МБ (2004) Виорот на животот: приказната за Емилија Фогелклу . Лондон: Квакерски книги. ( )
Категорија:Апсолвенти на Упсалскиот универзитет Категорија:Починати во 1972 година Категорија:Родени во 1878 година Категорија:Шведски писатели Категорија:Шведски новинари Категорија:Шведски писатели