Општина Крањска Гора () — општина во северозападна Словенија. Седиште на општината е населбата Крањска Гора. Областа е дел од историскиот регион Горењска. Се наоѓа крај реката Сава Долинка, на тромеѓата помеѓу Словенија, Австрија, Италија. Во 2020 г. населението броело 5.225 жители. Денес е дел од Горењскиот статистички регион.
Населени места Покрај општинското седиште Крањска Гора, општината ги опфаќа и следните населени места:
Белца Гозд Мартуљек Довје Згорња Радовина Лог Мојстрана Подкорен Ратече Средњи Врх
Географија Општината е сместена во алпската Горносавската Долина на крајниот северозапад на земјата, на тромеѓата со Италија и Австрија. Од север и југ над долината се издигаат Караванките и Јулиските Алпи. На исток границата минува веднаш под гратчето Јесенице, каде долината се проширува кон Радовљица, протегајќи се на запад долж вододелницата меѓу реките Сава и Зиљица (Злица), западно од Ратече. На север превојот Коренско Седло (Вурценпас) кај Подкорен води до австриското гратче Арнолдштајн (Подклоштер) во Корушка, а на југ превојот Вршич ја поврзува општината со Трента на Словенечкото приморје.
Горносавската Долина се одликува со алпска клима со долги снежни зими и покуси лета со умерени температури, источни ветрови и доволно врнежи з да се одржи нејзината зеленост. Зимата трае по четири до пет месеци, од кои четири се под снежна покривка. Најниската дневна температура во јануари изнесува , а во просек е малку над нулата. Во најтоплите летни месеци просечна температура е наутро, искачувајќи сè до во текот на денот. Зиме се забележуваат големи разлики помеѓу сончевите и осојните падини на долината. Сончевите се погодни за планинарење и пешачење, додека пак осојните ја задржуваат снежната покривка.
Галерија
Поврзано Крањска Гора (скијачки центар) Триглав
Наводи
Надворешни врски
Крањска Гора Категорија:Држави и територии настанати во 1994 година