Доротеа Кристијане Еркслебен (; р. како Лепорин; во ― во ) ― прва лекарка во Германија и прва жена со лиценца за лекар од службено медицинско тело.Schiebinger, L. (1990): "The Anatomy of Difference: Race and Sex in Eighteenth-Century Science", pg. 399, Eighteenth Century Studies 23(3) pgs. 387-405

Кариера

Еркслебен се запознала со медицина од рана возраст благодарение на нејзиниот татко.Sutherland, M. (1985): Жени кои предаваат на универзитети (Trentham Books) стр. 118 Италијанската научничка и академик, Лаура Баси, ја инспирирала Еркслебен во борбата за нејзиното право да практикува медицина. Во 1742 година, таа објавила Трактат во кој го изразила своето тврдење дека на жените треба да им се дозволи да студираат на универзитет.Offen, K. (2000): European Feminisms, 1700-1950: A Political History (Stanford University Press), pg. 43

Откако била примена на студии со специјално одобрение од тогашниот владетел на Кралството Прусија, Фридрих Велики, Еркслебен ја добила својата титула како доктор по медицина од Универзитетот во Хале во 1754 година. Со ова таа станала првата Германка која ја добила оваа титула.Schiebinger, Londa, The mind has no sex?: Women in the origins of modern science (Harvard University Press, 1991). Таа продолжила да ги анализира препреките што ги спречуваат жените да студираат, со особен акцент на домаќинство и мајчинството/децата.

Личен живот

Таа била мајка на Јохан Кристијан Поликарп Еркслебен. Еркслебен и нејзиниот брат Кристијан Поликарп Лепорин студирале основни науки, латински јазик и медицина со нивниот татко Кристијан Поликарп Лепорин."Erxleben, Dorothea (1715–1762)." Encyclopedia.com. HighBeam Research, n.d. Web. 24 Nov. 2014. Нејзиниот татко бил лекар во Кведлинбург во Прусија. Таа главно лекувала сиромашни луѓе. Идејата жена да студира медицина во тоа време била шокантна, особено затоа што во тоа време со закон било забрането за жените да вршат јавни функции, па според тоа се сметало дека жените не треба да практикуваат медицина или да добијат медицинска диплома. Тројца лекари од Кведлинбург ја обвиниле Еркслебен за дилетантизам и побарале да се преиспита нејзината работа и знаење. Ректорот на Универзитетот „Мартин Лутер“ во Хале-Витенберг одлучил дека практикувањето медицина не е исто што и извршувањето јавни функции и ѝ дозволил на Еркслебен да го полага испитот. Откако го положила испитот, неа ѝ била доделена медицинска диплома на 12 јуни 1754 година."Erxleben, Dorothea Christiana Leporin (1715 - 1762)." The Cambridge Dictionary of Scientists. Cambridge: Cambridge University Press, 2002. Credo Reference. Web. 24 November 2014.

Трактат

Еркслебен ја проучувала медицинската теорија на Георг Ернст Стал, поврзана со пиетизмот. Ова ја инспирирало Еркслебен да ги преиспитува теолошките и филозофските основи според кои жените биле ставени во подредена положба. Предвидувајќи критики за нејзиниот став од двата пола, Еркслебен во својот текст им се обраќа на сите читатели, мажи и жени. Таа се служела со јазикот на „скромност“, вообичаен метод што го користеле жените во Кверел де Фемс (Querelle Des femmes), додека им се обраќала на машките читатели. Била директна и критична кон изговорите на жените што се користеле за да се избегне едукација за подобрување на нивниот живот. Била свесна дека некои жени се изложени на тешка физичка работа при грижа за домаќинството и имаат малку време да се образоваат. И покрај ова, таа го критикувала недостатокот на желба за образование.Poeter, Elisabeth. “Gender, Religion, and Medicine in Enlightenment Germany: Dorothea Christiane Leporin’s Treatise on the Education of Women.” NWSA Journal 20.1 (Spring 2008): 99-119. JSTOR. Web. 24 November 2014.

Почит

На 13 ноември 2015 година, Гугл го прослави нејзиниот 300. роденден со Google Doodle.

Поврзано Жени во медицината

Наводи

Надворешни врски

Категорија:Жени во медицина Категорија:Германски лекари Категорија:Починати во 1762 година Категорија:Родени во 1715 година Категорија:Германски феминистки Категорија:Жени во наука