Бад Фалингбостел (; долносаксонски: Bad Fambossel) — град во округот Хајдекрајс, во сојузната покраина Долна Саксонија, Германија. Градот претставува административно седиште на округот. Од 1976 година градот е признаено покраинско лекувалиште, а од 2002 година ја поседува титулата бањски град или „Бад“. Во јули 2015 година му била одземено признанието за покраинско лекувалиште откако Градскиот совет одлучил да не инвестира повеќе го таа област.
Географија Местоположба
Бад Фалингбостел се наоѓа на реката Беме во јужниот дел на Линебуршкото Поле, помеѓу Золтау и Валсроде.
Гарнизонски град
Во негова околина се наоѓа еден од најголемите воени полигони на НАТО во Европа, како и касарни на британската армија. Во октомври 2015 година британската војска ја напуштила оваа касарна. Градбите биле користени за сместување на бегалци.
Градски единици
Градот Бад Фалингбостел се состои од следниве единици: самиот град, Дорфмарк, Рипе, Фирде, Јетебрух и Менгебостел.
Самиот град се состои од следниве места:
во западниот дел: Идинген, Ам Витхоп, Ам Роксберг во северниот дел: Адолфсхајде, Гросе Хајде, Лемхорст, Клинт во источниот дел: Обер- и Унтер-Гринхаген во јужниот дел: Ам Вајнберг, Гевербегебите Ан дер Аутобан, Прелсфелд, Ербкер Берг и Ост
Историја
Бад Фалингбостел бил првпат споменат како Вастулингебурстале (Vastulingeburstalle) во 993 година и има документирана историја повеќе од 1000 години. Првично бил чиста земјоделска населба, бидејќи земјоделството било основа за живот на жителот на старите Саси. Името означувало „куќа на Вастуло“ или „куќа на Вастулингијците“. Отон III ги исцртал границите помеѓу бискупиите Хилдесхајм и Минден.
Намесништвото Фалингбостел било основано околу 1300 година. Подоцна било наречено Амт Фалингбостел и постоело до век. Во 1838 година, Хајнрих фон Квинтус-Ицилиус, наследник на намесникот, ја основал Шпаркасе Фалингбостел, една од првите рурални банки во Кралството Хановер. Во 1866 година, новата пруска покраина Хановер била поделена на административни окрузи, а еден од нив бил округот Фалингбостел. Фалингбостел го добил статусот на град во 1949 година.
Во текот на Втората светска војна, Фалингбостел бил место на два кампа за воени заробеници, Сталаг XI-B и Сталаг XI-D / 357.
За 2011 година било планирано спојување на Бад Фалингбостел со градот Валсроде и општината Бомлиц во градот Беметал. На 2 ноември 2008 година овие планови биле понудени на граѓанско изјаснување и биле прифатени од Валсроде и Бомлиц, но Бад Фалингбостел бил против. Поради тоа спојувањето не се случило.
Политика Градски совет
Општински избори на 11 септември 2016 годинаWebsite der Stadt – Ergebnis Stadtrat Bad Fallingbostel 2016 2 ноември 2017, на 11 септември 2011 година, на 10 септември 2006 година и на 9 септември 2001 година ги дале следниве резултати:
Партии и листи %2016 Места2016 %2011 Места2011 %2006 Места2006 %2001 SМеста2001 CDU Демохристијански сојуз на Германија 30,0 8 34,77 9 45,78 14 44,30 14 SPD Социјалдемократска партија на Германија 34,81 10 34,24 9 41,92 12 41,70 13 GRÜNE Сојуз 90/Зелени 6,63 2 10,27 3 4,48 1 3,67 1 FDP Слободна демократска партија 5,05 2 1,25 0 5,56 2 6,73 2 LINKE Левица 1,43 0 – – — — – – AfD Алтернатива за Германија 9,62 3 – – — — – – ALFA Алијанса за напредок и обнова 0,87 0 – – — — – – BLBF Граѓанска листа за Бад Фалингбостел 11,59 3 16,68 4 – — — — WLBF Либерали за Бад Фалингбостел – – 2,80 1 — — — — Lux Независен Хуберт Лукс – – — — 2,26 1 — — Други Други – – – – — — 3,60 0Вкупно 100 28 100 26 100 30 100 30Излезност 53,02 % 49,25 % 56,65 %
Градоначалник
На 15 јуни 2014 година била избрана Карин Торај (независна) за градоначалничка на градот.
Збратимени градови
Бад Фалингбостел е збратимен со следниве градови:
Мјастко, Полска (од 2000 г.) Пере, Франција (од 1989 г.)
Култура и знаменитости
Во Бад Фалингбостел се наоѓа музејот на Археолошото друштво. Во мегалитскиот парк Остерберг се наоѓаат леднички остатоци од Скандинавија.
Други археолошки знаменитости се Седумте камени куќарки, кои се проценува дека се стари 5000 години. Тие се наоѓаат на полигонот Берген (во близина на Остенхолц).Riesengräber in der Lüneburger Heide. In: Die Berner Woche in Wort und Bild. Bd. 27, 1937, S. 768–769. (e-periodica) Постојат и гробови од бронзено доба кај местото Фирде.
Знаменитости во градот се:
Бањскиот парк Дворот на Хајдмарк Евангелистичката црква „Св. Дионис“ во центарот на градот Споменикот за Хајнрих фон Квинтус-Ицилиус на црквата „Св. Дионис“ Евангелистичката црква „Св. Мартин“ во Дорфмарк Селските извори во Дорфмарк
Инфраструктура Воени постројки
Градот е недалеку од големиот воен полигон Берген-Хоне, кој моментално се користи од германската војска и од силите на НАТО. Тој се наоѓа во слободните области Остерхајде и Лохајде. Дополнително, постои касарната Фалингбостел, дел од британските трупи во Германија.
Касарната била затворена во 2015 година, откако британската војска го намалила присуството во Германија пред целосното повлекување во 2020 година.
Сообраќај
Бад Фалингбостел има две железнички станици, Бад Фалингбостел и Дорфмарк, кои се наоѓаат на железничката Хановер-Золтау.
Во негова близина поминува автопатот А7.
Познати луѓе
Луѓе родени или поврзувани со градот Фридрих Фројдентал (1849–1929) — поет Август Фројдентал (1851–1898) — поет Хелмут Шлитер (1925–1967) — синдикалист и политичар Хелга Јансен (1950-2010) — политичарка Кристоф Кинкел (р. 1958) — теолог Хајнрих фон Квинтус-Ицилиус (1798–1861) — адвокат Ерих фон Манштајн (1887–1973) — фелдмаршал Фриц Гансберг (1871-1950) — писател Ханс Штулмахер (1892-1962) — просветен работник офицер во Вермахтот и локален историчар Валтер Шулц (1900-1957) — бискуп
Галерија
Наводи
Надворешни врски
Официјална страница Воен музеј Фалингбостел
Категорија:Хајдекрајс Категорија:Бањски градови во Германија