Јужно свињоопашесто макаки () — вид примати од семејството на старосветските мајмуни (Cercopithecidae). Во Македонија, примероци од ова животно можат да се видат во Зоолошката градина во Скопје.
Опис Овој мајмун достигнува тежина од 5 до 15 кг. По боја се светлокафеави; грбот е потемен, а долните делови од телото се посветли. Имаат кратки опашки, кои ги држат полудигнати слично како свињите, што е причината за нивното именување.
Поведение и екологија
Иако се претежно наземни, овие мајмуни се вешти и по дрвата. За разлика од највеќето примати, обожаваат вода. Живеат во големи групи, денски поделени на помали состави кога трагаат по храна. Во исхраната се сештојади, хранејќи се претежно со овошје, семки, бобинки, житарки, габи и безрбетници.
Меѓу мажјаците владее хиерархија заснована на сила, а меѓу женките — според наследноста. Така, ќерката на доминантната женка веднаш станува поважна од сите други женки во групата. Доминантната женка ја предводи групата, додека мажјаците имаат задача да се справуваат со судири во групата и да ја бранат од надворешни опасности.
Пловата зрелост ја достигнуваат на возраст од 3 до 5 години. Бременоста трае околу 6 месеци. Женката раѓа по едно младенче на секои две години. Доењето престанува на возраст од 4 до 5 месеци.
Живеалиште и распространетост Ова макаки живее претежно во дождовни шуми на надморска височина до 2.000 метри, но знае да шета и по плантажи и градини.Payne, J., and C. M. Francis. 1998. A Field Guide to the Mammals of Borneo. The Sabah Society, Kota Kinabalu, Sabah. ISBN 967-99947-1-6
Се среќава на јужната половина на Малајскиот Полуостров (и преминува во најјужниот дел на Тајланд), како и на островите Борнео, Суматра и Банка.
Галерија
Наводи
Библиографија Maestripieri D, 1999. Changes in Social Behavior and Their Hormonal Correlates during Pregnancy in Pig-tailed Macaques. International Journal of Primatology 20 : 707-718. Rodman PS, 1991. Structural differentiation of microhabitats of sympatricmacaca fascicularis andM. nemestrina in East Kalimantan, Indonesia. International Journal of Primatology 12 : 357-375. Oi T, 1990. Patterns of dominance and affiliation in wild pig-tailed macaques (Macaca nemestrina nemestrina) in West Sumatra. International Journal of Primatology 11 : 339-356.
Надворешни врски
Слики и видеоснимки од јужното свињоопашесто макаки на островот Сунда — ARKive
Категорија:Старосветски мајмуни Категорија:Цицачи на Југоисточна Азија Категорија:Животински таксони опишани од Карл Линеј Категорија:Животни во Зоолошка градина Скопје