Полската чучурлига или цуцул e мала птица од врапчевидниот ред, од семејството на чучурлигите.
Ја има во Македонија.
Распространетост
Оваа чучурлига живее во Европа и Азија и на планините на северна Африка. Азиските птици се појавуваат како скитници во Алјаска, a се имаат појавено и на Хаваите, северозападна Америка, источна Австралија и Нов Зеланд.
Опис
Полската чучурлига е долга 16 до 18 см со распон на крилјата 35 см и тежи околу 37 гр. Ноктот на задниот прст на ногата е долг и заострен. Оди по земјата, а не потскокнува, исто како другите чучурлиги. Нема изразен полов диморфизам, односно не се разликуваат мажјаците од женките. Слично на другите чучурлиги и оваа е со кафени пердуви на грбот, а посветла е одоздола. Во лет се гледаат кратката опашка и кратките широки крилја. Опашката и задниот раб од крилјата се бели, кои се видливи кога птицата одлетува,но не кога се упатува кон набљудувачот. Има цврсти нозе и троши време на земјата барајќи семиња, вклучувајќи и инсекти во сезоната за гнездење.
Поведение Гнездење Ова е птица сака отворено обработливо земјиште и топлина. Прави гнездо од трева на земјата,скриено меѓу растителноста. Понекогаш се вгездува во папрати, користејки ги за покривање. Генерално, гнездата се многу тешки за наоѓање. Снесуваат 3 до 6 јајца во јуни. Второ или трето легло може да се започне подоцна во годината. Јајцата се жолтеникаво-бели со кафеаво-виолетови точки со димензии 23х16 мм. Ги лежат 12–14 дена. Малечките се развиваат исклучително брзо и по 9–11 дена го напуштаат гнездото. Родителите ги хранат со инсекти.
Пеење Песната на чучурлигите е многу милозвучна, а мажјаците имаат малку поголеми крилја кои им овозможуваат да лебдат во воздух, дури и на висини над 100 метри. Тоа ги привлекува женките. Нивната песна трае 2-3 минути, а тогаш птицата која пее може да се појави како точка на небото гледано од земјата.
Статус
Во В.Британија, бројот на полските чучурлиги се намалил во текот на последните 30 години. Сега се само 10% од бројот кои биле присутни пред 30 години. Друштвото за заштита за птици покажа дека овој масовен пад на бројот е главно од промените во земјоделството и користење на пестицидите. Но, преземени се марки и англиските фармери сега се охрабрени и платени да создадат биоразновидноста за подобрување на живеалиштето на евроазиската поларна чучурлига.BTO News Number 269, March to April 2007, page 15
Во културата
Кога ќе се каже чучурлига, без посебно означување за кој вид се работи - тогаш мислиме на оваа, планинска чучурлига. Во англискиот јазик "skylark" (чучурлига), се користи во значење на занаетчија, а први започнале да го користат морнарите со значење на шегаџија, практичен шегаџија, некој што знае да прави трикови.
Наводи
Дополнителна литература
Lidster, James (2007) Identification: Skylark and Woodlark Birdwatch
Надворешни врски
Oiseaux images Eurasian Skylark on BBC website – includes a photograph of a skylark plot A nature feature "The Lark Ascending" broadcast June 2006 on BBC radio 4 – website includes photograph of a skylark plot Eurasian Skylark plots , the Eurasian Skylark, and the RSPB's Volunteer & Farmer Alliance on RSPB website Eurasian Skylark ecology on RSPB website Ageing and sexing (PDF; 1.3 MB) by Javier Blasco-Zumeta & Gerd-Michael Heinze UKBAP site description List of skylark poems
Категорија:Птици на Македонија Категорија:Врапчевидни Категорија:Чучурлиги Категорија:Животински таксони опишани од Карл Линеј