Вернер Магнус Максимилијан Фрајер фон Браун (германски: Wernher Magnus Maximilian Freiherr von Braun; - ) ― германски, подоцна натурализиран американски, инженер за воздухопловство и вселенски архитект. Бил член на Нацистичката партија и Алгемајне СС, а исто така и еден од најистакнатите научници кои придонеле во развојот на ракетната технологија во нацистичка Германија. Подоцна бил пионер на ракетната и вселенската технологија во САД.
Роден е во Вижиск, Полска, тогаш во покраината Познањ (Позен) на Германското Царство. Уште од детството фасциниран од вселенските летови, фон Браун се зачленил во германското вселенско друштво VfR како адолесцент. Помогнал во дизајнирањето и развивањето на ракетата V-2 во Пенеминде за време на Втората светска војна. V-2 станал прв вештачки објект лансиран во вселената на 20 јуни 1944 година. По војната, заедно со околу 1.600 други германски научници, инженери и техничари бил тајно преместен во САД, како дел од операцијата Спојувалка. Работел за Армијата на Соединетите Американски Држави на програма за балистички ракети со среден дострел и ги развил ракетите што го лансирале првиот американски вселенски сателит Eксплорер 1 во 1958 година. Од 1955 до 1957 година, работел со Волт Дизни на низа филмови, кои во САД и пошироко ја популаризирале идејата за човечко вселенско патување.
Во 1960 година, неговата група била приклучена кон НАСА, каде што бил директор на новоформираниот Маршалов центар за вселенски летови и главен архитект на лансирната машина Сатурн V која го исфрлила вселенското летало Аполо кон Месечината. Во 1967 година, Вернер фон Браун бил примен во американската Национална академија за инженерство, а во 1975 година го добил Националниот медал за наука.
Вернер фон Браун бил многу контроверзна личност. Има широко прифатено мислење дека не одговарал за неговите нацистички воени злосторства затоа што на Американците им било поважно да ги победат Советите во Студената војна. Исто така, тој се смета за: „татко на вселенското патување“, „татко на ракетната наука“ и „татко на американската месечева програма“. Се залагал за човечка мисија на Марс.
Надворешни врски Dr. Wernher von Braun – At the Redstone Arsenal Historical Information pages Wernher Von Braun – A Register of His Papers in the Library of Congress - Photos of Wernher von Braun's gravesite The capture of von Braun and his men – At the U.S. 44th Infantry Division website Dark Side of the Moon: Wernher von Braun, the Third Reich, and the Space Race – review of biography Wernher von Braun page – Marshall Space Flight Center (MSFC) History Office "The Disney - von Braun Collaboration and its Influence on Space Exploration" – by Mike Wright, MSFC Coat-of-arms of Dr. Wernher von Braun Remembering Von Braun – by Anthony Young - The Space Review Monday, July 10, 2006 The Mittelbau-Dora Concentration Camp Memorial "The old dreams, and the modern reality." Wernher von Braun interviewed by Jules Bergman circa 1969. Article on von Braun, Huntsville, and German rocket scientists Audio commentary by Wernher von Braun about Flight Captain Erich Warsitz (world’s first jet pilot), Museum of Transport - Switzerland, “Planetarium”, August 30, 1971 V2rocket.com
Наводи
Категорија:Германски пронаоѓачи Категорија:Германски физичари Категорија:Носители на Националниот научен медал Категорија:Апсолвенти на Техничкиот универзитет во Берлин Категорија:Апсолвенти на Хумболтовиот универзитет Категорија:Апсолвенти на Швајцарскиот федерален технолошки институт во Цирих Категорија:Германски авиоконструктори Категорија:Американски авиоконструктори Категорија:Заповедници на Орденот за заслуги за СР Германија Категорија:Аполо (вселенска програма)