Владимир Трајковски (роден на во ) — македонски генетичар, професор на Филозофскиот факултет во Скопје. и претседател на Македонското научно здружение за аутизам.Македонско научно здружение за аутизам - Извршен одбор

Кариера Завршил основно и средно образование во родниот град. Дипломирал во 1994 година, на Медицинскиот факултет во Скопје, магистрирал во 1999 на истиот факултет, и докторирал во 2002 на Филозофскиот факултет во Скопје, на Институтот за дефектологија.

По дипломирањето работи на Клиниката за торакална и васкуларна хирургија како доброволец и учествува како асистент на оператор во повеќе од 250 хируршки зафати. Во 1995 година, тој запишал постдипломски студии на Клиниката за нефрологија, каде активно се вклучувал во работата на единицата за интензивна нега. Во јуни 1997 година, тој бил избран е за помлад асистент по предметите Хумана генетика и јадрено-хемиско-биолошки загрозувања и заштита на Филозофскиот факултет во Скопје. Во октомври 1999 година, тој бил избран за асистент по предметите Хумана генетика и јадрено-хемиско-биолошки загрозувања и заштита на Филозофскиот факултет во Скопје. Во април 2003 година, тој бил избран за доцент по хумана генетика на Институтот за дефектологија при Филозофскиот факултет во Скопје. Во декември 2007 година, тој станал вонреден професор во научните области хумана генетика, медицински основи на инвалидноста и физиологија со функционална анатомија. На 19 октомври 2012 година, на седница на Сенатот УКИМ, тој бил избран за редовен професор во научните области хумана генетика, медицински основи на инвалидноста, физиологија со функционална анатомија и аутистичен спектар на нарушувања.

Во периодот 2000-2019 година, тој имал успешно учество на деведесетина семинари, конгреси, симпозиуми и конференции во земјата и странство. Стручно-научната активност ја остварува со објавување на повеќе од 95 трудови во домашната и странската периодика: „Македонски медицински преглед“, „Nephron“, „Дефектолошка теорија и практика“, „Македонско списание за медицина“, „Годишен зборник на Филозофски факултет“, „Специјална педагогика“, „Белградска дефектолошка школа“, „Croatian Medical Journal“, „Focus on Autism and developmental Disabilities“, „Ophtalmic genetics“, „Vox Medici“, „Hrvatska revija za rehabilitacijska istraživanja“, „Svet rada“, „Bosnian Journal of Basic Medical Sciences“, „Acta Ophtalmologica Scandinavica“, „Paediatria Croatica“, „Bratislava Lek Listy“, „Ophthalmic Epidemiology“, „Journal of Autism and Developmental Disorders“, „Journal of Neuroscience and Rural Practice“. Тој има остварено студиски посети во Холандија, Германија, Ирска, Белгија, Србија, Бугарија, Хрватска, Полска, Босна и Херцеговина. Учествувал во 15 домашни и меѓународни проекти од кои за издвојување се: „Европа како место за живеење“, „Во Фокус“, „Засилување на научните студии за ран аутизам“, „Програма за целосна социјализација на деца со посебни потреби во нивните заедници”, „Еднаквост и социјална инклузија преку позитивно родителство”, „Холистички пристап на планирање за лица со аутизам”.

Во 2004 година, тој го вовел предметот Аутизам во курикулумот на последиплосмките студии на Институтот за дефектологија. Неговите истражувачки интереси покрај аутистичниот спектар на нарушувања се: човечката генетика, физиологијата и медицинските аспекти на инвалидноста. Од 2009 до 2013 година, тој бил раководител на последипломските студии на Институтот за дефектологија и Еразмус координатор на Филозофскиот факултет во Скопје.

Во периодот од ноември 2008 до септември 2017 година, тој бил главен и одговорен уредник на интернационалното, рецензирано списание „Дефектолошка теорија и практика“. Тој бил претседател на Македонското научно здружение за аутизам. Членувал во: Македонското здружение за хумана генетика, Аутизам Европа, ЕАСПД, ИАССИД. Тој бил советодавец на уредникот на списанието „Journal of Policy and Practice in Intellectual Disabilities“, член на редакцискиот одбор на „Бугарското списание за комуникациски нарушувања“, член на редакцискиот одбор на списанието „The Open Access Journal of Science and Technology“ и многу други списанија, посетувачки професор на југозападниот универзитет „Неофит Рилски“ во Горна Џумаја.

На 27 април 2018 година, тој бил назначен за главен и одговорен уредникJRTDD во социјалните медиуми на електронското списание „Journal for ReAttach Therapy and Developmental Diversities“ кое го издава холандската ReAttach Therapy International Foundation.

Библиографија Учебници и книги (2004) Аутизам. Скопје: Филозофски факултет, Институт за дефектологија (2005) Хумана генетика. Скопје: Филозофски факултет, Институт за дефектологија (2008) Медицински основи на инвалидноста. Скопје: Филозофски факултет, Институт за дефектологија (2009) Физиологија со функционална анатомија на човекот. Скопје: Филозофски факултет, Институт за дефектологија (2011) Аутизам и первазивни развојни нарушувања. Скопје: Филозофски факултет, Институт за дефектологија

Практикуми (2003) Практикум по хумана генетика. Скопје: Филозофски факултет, Институт за дефектологија (2009) Практикум по физиологија со функционална анатомија. Скопје: Филозофски факултет, Институт за дефектологија

Скрипти (2005) Медицински основи на инвалидноста 1. Скопје: Филозофски факултет, Институт за дефектологија (2006) Медицински основи на инвалидноста 2. Скопје: Филозофски факултет, Институт за дефектологија (2007) Физиологија со функционална анатомија. Скопје: Филозофски факултет, Институт за дефектологија (2009) Фонијатрија. Скопје: Филозофски факултет, Институт за дефектологија (2018) Хумана генетика и физиологија. Скопје: Филозофски факултет, Институт за психологија

Наводи

Надворешни врски Блог на проф. д-р Владимир Трајковски Филозофски факултет, Институт за дефектологија Journal of Special Education and Rehabilitation Македонско научно здружение за аутизам Journal for ReAttach Therapy and Developmental Diversities ReAttach Foundation

Категорија:Македонски универзитетски професори Категорија:Македонски учебникари Категорија:Македонски уредници Категорија:Апсолвенти на Медицинскиот факултет - Скопје Категорија:Магистри на Медицинскиот факултет - Скопје Категорија:Доктори на Филозофскиот факултет - Скопје Категорија:Професори на Филозофскиот факултет - Скопје