Александар Климов, познат уште како Александар Христов или Поповски ― офицер во Бугарската армија, македонски револуционер, учесник во македонското револуционерно движење, член и војвода на Македонската револуционерна организација, учител и општественик.
Животопис
Тој роден во 1881 година во село Ложани, во тогашната Османлиско Царство. Имал брат Цветан (Целе) и сестра Велика. Сите се од големата струшка фамилија Поповци.
Основното образование го завршува во родното село и во градот Струга. Потоа го продолжува образованието во гимназијата во Битола, каде учители му се Даме Груев, Пере Тошев, Александар Мартулков и други.
За време на Илинденско востание е војвода на чета во Струшко Христо Силјанов, Ослободителните борби на Македонија, том 1, Јубилејно издание на Култура - Скопје за Илинденското востание, 2003, 313 с..
Реонски војвода е Илија Коцарев од Охрид. Уапсен е од турските власти во февруари 1908 година по обвинение за револуционерна дејност и е осуден на 101 година затвор од турскиот суд во Битола и заточение во Дијарбекир.
Амнестиран е неколку месеци подоцна, по Младотурската револуција. По Втората балканска војна, во 1913 година по неговиот отказ да стане српски учител е прогонет од новите српски власти со семејството во Бугарија, каде станува учител во селото Елешница, Разлошко.
Учествува во Првата светска војна под раководство на полковник Борис Дрангов. По војната се заселува во кресненското село Брезница (денес Горна Брезница), Пиринскиот дел на Македонија, каде е учител и општественик до крајот на животот. Училиштето и општината се поместуваат во зграда во дворот на неговата куќа.
Погребан е во Брезница. Во 2003 година, по повод 100 годишнината од Илинденското востание, во селото бил подигнат негов споменик.
Наводи
Корисна книжевност
Борис Ј. Николов, Внатрешна Македоно-Одринска Револуционерна Организација. Војводи и раководители 1893-1934. Библиографски прирачник, Софија 2001
Галерија
Категорија:Луѓе од Ложани Категорија:Починати во Брезница (Кресненско) Категорија:Дејци на ВМОРО Категорија:Бугарски офицери од Македонија Категорија:Македонски војводи Категорија:Македонци од Првата светска војна Категорија:Учесници во Илинденското востание Категорија:Македонски револуционери