Не треба да се меша со Клеопатра Евридика, жена на Филип II. Поврзано Клеопатра (појаснување) за други личности со ова име.
Клеопатра (околу 356 п.н.е. — 308 п.н.е.), Клеопатра Македонска или Клеопатра Епирска — сестра на Александар Македонски во бракот на Филип II со Олимпијада. Принцеза во кралскиот двор а подоцна регент на Епир. Во други блиски роднински врски е со полусестрите Тесалоника Македонска и Кинана, како и полубратот Филип III Македонски.
Израснала во Пела, како принцеза. Во 338 п.н.е., Клеопатра останува во Пела со нејзиниот татко, додека нејзината мајка Олимпијада е прогонета во Епир кај нејзиниот молосиски брат Александар I Епирски (вујкото на Клеопатра). Подоцна Филип сакајќи да го зајакне сојузништвото со Александар I Епирски, му ја понудил раката на Клеопатра. Во 334 п.н.е., се одржала голема свадбена свеченост по повод стапувањето во брак на Клеопатра и нејзиниот вујко Александар I Епирски во македонската престолнина Ајга. Токму тогаш бил убиен Филип II.
Веднаш после убиството на Филип II, скоро земените Клеопатра и Александар се враќаат назад во Епир. Набрзо, во нивниот брак се родиле две деца: Неоптолeм II Епирски и Кадмија.
Наводи
Надворешни врски
Cleopatra from Charles Smith, Dictionary of Greek and Roman Biography and Mythology (1867) Cleopatra of Macedonia from Livius on ancient history by Jona Lendering
Категорија:Аргеадска династија Категорија:Епир Категорија:Жени регенти Категорија:Македонци од 4 век п.н.е.