Порта на Боговите (кечуански: Ajayu marka, ајмарски: Aramumuru од iranama — „косина“ или „страна“, и muru — „сечење“; позната и како Араму Муру) — историско место во крајниот југ на округот Илаве во перуанската провинција Ел Кољао (департман Пуно). Се наоѓа во близина на езерото Титикака. Местото е често посетувано од езотеричари од целиот свет. Портата на Боговите е предмет на мистични претпоставки и теории на заговор. Рамниот карпест отвор е со големина од околу 7,0 м и има Т-обликувана ниша со височина од 198 см.
Легенда за Портата на Боговите мини|исправно|Планините Хају Марка Според антропологот Чарлс Станиш, Портата на Боговите е предмет на легенди што тој ги сместува во „алтернативната книжевност“. Тој цитира мрежно место на кое легендата е сумирана на следниов начин:
Езотеричарите укажуваат на кружна празнина во рамките на „отворот“ на портата, каде што според нивно мислење имало простор за плоча.
Чарлс Станиш ја гледа „алтернативната книжевност“, во која ја вбројува и легендата за Портата на Боговите, во контекст на пошироки обвинувања за завери против „официјалната наука“. Теоретичарите на заговор сметаат дека науката — која тие ја нарекуваат „официјална наука“ — ги прикрива доказите за наводно древните корени на човештвото или наводното влијание на вонземјаните. Според тоа, само неколку храбри луѓе ја ризикуваат својата кариера за да „ја изнесат оваа завера на виделина“.Charles Stanish: Lake Titicaca: Legend, Myth and Science. Band 2 (2011), S. 66.
Галерија
Наводи
Категорија:Археолошки наоѓалишта во Перу