Ephedra fragilis ― вид на Ephedra од западниот медитерански регион на јужна Европа (Италија, Шпанија и Португалија) и Северна Африка, како и од Мадеира и Канарските Острови во Атлантикот.
Нејзините живеалишта се карпести ридови и камени ѕидови, каде што расте до 2 метри во висина.
Опис Грмушесто растение со гранчиња коишто се искачуваат по други грмушки или висат. Машките соцветија речиси приседнати, со 4-8 пара цветови, а женските соцветија со 1-2 пара. Плодот сочно зрно, долго 3-9 мм, црвено.Кирил Мицевски: Флора на СР Македонија, том 1, св. 1, стр. 86, МАНУ, Скопје, 1985
Таксономија Растението првично го опишал Рене Луиш Дефонтен во 1799 година и го сместил во делот Pseudobaccatae (=sect. Ephedra sect. Ephedra), „племе“ Scandentes на Ото Стапф во 1889 година.
Во 1996 година, Роберт А. Прајс ја класифицирал Е. fragilis во делот Ephedra без да препознае племе.
Подвидови Ephedra fragilis subsp. cossonii (Stapf) Maire Ephedra fragilis subsp. fragilis
Во Македонија Во Македонија расте подвид Ephedra fragilis subsp. campylopoda (Syn.: Ephedra campylopoda C.A. Meyer; Ephedra campylopoda f. prespansis Petkov, Ephedra macedonica Kosšanin.
Може да се најде во варовнички карпи во потоплите делови. Често растение е во клисурите на реките Треска, Црна Река, Црн Дрим, Таорска Клисура, Дојранско, Гевгелиско, Валандовско, Овчеполско, помеѓу Катланово и Св. Николе, Преспанско и др.
Зачувување Ephedra fragilis е вид од категоријата „Најмалку загрозен“ на Црвениот список на МСЗП.
Наводи
Надворешни врски
Категорија:Растенија опишани во 1799 година Категорија:Флора на Шпанија Категорија:Флора на Португалија Категорија:Флора на Италија Категорија:Флора на Македонија