Hypecoum — род на цветни растенија од фамилијата афиони Papaveraceae, кој се среќава во умерените области на Северна Африка, Европа и Азија. Лектотипот е „Hypecoum procumbens“. Овој род е застапен и во Македонија.
Опис Hypecoum се едногодишни, голи, сивозелени растенија со водест млечен сок. Листовите се во розета, 2-3 пати пересто насечени. Цветните стебла се неколку на број и секое е по неколку цвета. Чашкините ливчиња се две на број, слободни и лесно отпаѓаат. Венечните ливчиња се светложолти, до портокалово, а надворешните ливчиња поголеми, повеќе или помалку триделни и целокрајни додека внатрешните ливчиња се длабоко триделни и помали.
Прашниците се четири на број, плодникот е надцветен, со кусо столпче и два кончести жига. Плодот е линејна цилиндрична кутијка, која кај некои се распаѓа поради попречни сегменти.
Видови Видови моментално прифатени од The Plant List се: Hypecoum aegypitacum (Forssk.) Asch. & Schweinf. Hypecoum aequilobum Viv. Hypecoum alpinum Z.X. An Hypecoum dimidiatum Delile Hypecoum erectum L. Hypecoum ferrugineomaculatum Z.X. An Hypecoum imberbe Sm.; Средниот лобус (дел) на надворешните венечни ливчиња е полукружен, а страничните делови скоро еднакви со него. Hypecoum leptocarpum Hook. f. & Thomson Hypecoum littorale Wulfen Hypecoum pendulum L.; 1 Стеблото им е глатко. Надворешните венечни ливчиња двапати се подолги отколку широки и целокрајни а внатрешните венечни ливчиња до средината се триделни Hypecoum procumbens L.; Средниот лобус (дел) на надворешните венечни ливчиња е линејно издолжен, а страничните делови се многу помали, скоро незабележливи Hypecoum pseudograndiflorum Petrovič Hypecoum torulosum Å.E.Dahl Hypecoum trilobum Trautv. Hypecoum zhukanum Lidén
Наводи
Категорија:Флора на Македонија Категорија:Афиони Категорија:Флора на Европа