Astrophytum myriostigma, кактус „бискупска капа“, или „бискупска митра“, е вид кактус по потекло од висорамнините на североисточно и централно Мексико.
Синонимите вклучуваат Echinocactus myriostigma, Astrophytum prismaticum, A. columnare, A. tulense и A. nuda.
Морфологија Astrophytum myriostigma е кактус без 'рбет, дефиниран со присуство на три до седум (обично пет) изразени вертикални ребра, кои пак ја дефинираат формата на кактусот кога е млад. Името на родот „astrophytum“, буквално „ѕвездено растение“, е изведено од добиената ѕвездеста форма. Како што кактусот старее, може да се појават повеќе ребра, и тој станува поцилиндричен по форма, растејќи до околу 70-100 сантиметри во висина, и 10-20 сантиметри во дијаметар. Во дивината, сферичното до цилиндрично стебло е покриено со белузлава група на трихоми. Некои градинарски сорти го немаат тоа.
Животен циклус Во дивината, кактусите цветаат рано напролет, така што нивните семиња можат да растат со летните дождови. Во одгледувањето ова е различно и растенијата може да цветаат во лето. Растенијата произведуваат еден или повеќе цветови кои се со дијаметар од 4-6 сантиметри близу врвот. Бројните цветни листови се кремасто жолти, понекогаш со портокалова или црвена основа. Опрашените цветови се развиваат во влакнест црвеникав плод со дијаметар од околу 2-2,5 сантиметри. На растенијата може да им требаат до шест години за да процветаат. A. myriostigma најчесто се одгледува како украсно растение во колекциите на кактуси.
Ова растение ја доблои наградата за градинарски заслуги на Кралското хортикултурно друштво.
Галерија
Наводи
Надворешни врски
"Bishop's cap cactus". Encyclopædia Britannica. 28/7/2005. "Bishop's Miter, Bishop's Cap" Archived 2008-06-10 at the Wayback Machine. www.desert-tropicals.com. 28/7/2005. photos on www.AIAPS.org photos on www.cactiguide.com
Категорија:Незагрозени видови според МСЗП Категорија:Кактуси