Пипал фарма е непрофитна, невладина организација лоцирана во селото Даноту, во близина на Дарамшала во Химачал Прадеш, Индија. Групата работи на подобрување на условите за живот на популацијата на бездомните животни, особено на кравите и кучињата и подигање на јавната свест против суровоста кон животните.
Историја Фармата Пипал била отворена во декември 2014 година од страна на Робин Синг во селото Даноту во Химачал Прадеш во близина на градот Дарамсала, на кој потоа му се придружил вториот ко-основач Шивани Синг.
Непосредно претходно и двајцата воделе програма за стерилизација на бездомните кучиња во Њу Делхи. Идејата произлегла од ограничувањата на работата за благосостојба на животните, и тие одлучиле да го направат тоа на начин што ќе ги вклучува и инспирира другите луѓе. Во 2015 година, откако примарната изградба била завршена, фармата била отворена за луѓето да волонтираат и да работат во замена за сместување и вегански оброци. Оттогаш, фармата им помогнала на многу животни да заздрават, да најдат домови или да живеат мирно.
Како единствено место каде што големите животни можат да се опорават во областа, локалната администрација редовно ги упатува случаите на фармата Пипал од 2017 година. Во центарот за опоравување на животни приближно 30 животни се во различни фази на опоравување во даден момент. За лекување се користат и традиционални лекови како ајурведата и модерната алопатија. Фармата произведува органски производи. Волонтерите организираат уметнички проекти за ширење на свеста за љубезност кон животните.
Наводи
Надворешни врски
Официјална веб-страница Категорија:Веганство