Krewella (транскрипција: Круела) ― американско дуо од Чикаго основано во 2007 година. Групата била основана како трио и во нејзин состав биле сестрите со пакистанско потекло Џахан и Јасмин Јусаф и продуцентот Кристофер Триндл. Тиндл ја напуштил групата во 2014 година, а Krewella продолжила како дуо. Музичкиот стил на групата претежно се опишува како електронска денс-музика, денс-рок и денс-поп. Но, музиката на Krewella содржи елементи на многу други електронски поджанрови, како: прогресивен хаус, електро, дабстеп, драм-ен-бејс, трап-музика и фјучер-бејс.
Нивното прво ЕР, Play Hard, било објавено ексклузивно на Beatport на 18 јуни 2012 година, а на 26 јуни 2012 година било објавено и на други дигитални платформи. Нивниот прв албум, Get Wet, бил објавен на 24 септември 2013 година на iTunes. Подоцна групата објавила уште три ЕР-а: Play Harder (2012), Ammunition (2016) и New World Pt. 1; и два албума: Zer0 (2020) и The Body Never Lies (2022).
Името на групата произлегува од погрешно напишаниот збор „суров“ (англ. cruel) од Џахан од времето кога двете сестри почнале да пишуваат музика и не се однесува на негативецот од филмот 101 Далматинец, Круела де Вил.
Членови Џахан Јусаф – диџеј, пејачка, продуцент, текстописец (2007–денес) Јасмин Јусаф – диџеј, пејачка, текстописец, продуцент (2007-денес) Крис Триндл – диџеј, продуцент (2007–2014)
Дискографија Get Wet (2013) zer0 (2020) The Body Never Lies (2022)
Наводи
Надворешни врски
Категорија:Семејни музички групи Категорија:Живи луѓе Категорија:Американски електронски музичари Категорија:Американски музички дуети Категорија:Музички групи од Чикаго Категорија:Музички групи основани во 2007 година Категорија:Денс-рок групи Категорија:Американски електронски денс-групи Категорија:Американски ремиксери Категорија:Американски клупски диџеи