Грабнувањето на Левкиповите ќерки Уметник Петер Паул Рубенс и Јан Вилденс година околу 1618 година Средно Масло на платно Димензии 224 см × 209 см Локација Стара пинакотека, Минхен Грабнувањето на Левкиповите ќерки — слика од 1618 година на Петер Паул Рубенс и Јан Вилденс. Изложена е во Старата пинакотека во Минхен.
Историја Сликата била купена во Антверпен во 1716 година од Јохан Вилхелм, електор Палатински. Првично испратенљ во Манхајм, во 1805/06 година стигнала во Минхен.
Пределниот стручњак Јан Вилденс го насликал крајоликот.
Опис Сликата ги прикажува смртникот Кастор и бесмртниот Полидевк како ги грабнуваат Феба и Хилера, ќерките на Левкип од Месенија. Кастор, скротувачот на коњи е препознатлив по неговиот оклоп, додека Полукс боксерот е прикажан со гол и слободен горен дел од телото. Тие се одликуваат и по нивните коњи - Касторовиот е добро дресиран и поддржан од путо, додека Полуксовиот се крева на задните нозе. Црното крило на путото ја покажува крајната судбина на близнаците.
На сликата, Феба и Хилера немаат својствени посебности. Меѓутоа, од книжевноста за грчките митови, дознаваме дека Феба му родила син, Мнеслеос, на Полукс, а Хилера син, Аногон, на Кастор. Според тоа, од насоките на фиксираните и восхитувачки погледи на близнаците, се чини дека ќерката во долната положба, свртена со грбот кон нас, е Феба, а ќерката во горната положба, со фронтален поглед, е Хилера.
Библиографија Alte Pinakothek-Ausgewählte Werke; [Editor: Bayerischen Staatsgemäldesammlungen, Authors: Marcus Dekiert, Nina Schleif], München; Pinakothek-DuMont, 2005, , 50 Klassiker: Gemälde, H. Johannsen, Gerstenberg, 2001, .
Надворешни врски
Raub der Töchter des Leukippos , Bayerische Staatsgemäldesammlungen, Alte Pinakothek München
Категорија:Слики во Старата пинакотека Категорија:Слики од Рубенс Категорија:Слики од 1618 година Категорија:Слики од Јан Вилденс