Хали Лин Бејли (родена е на 27 март 2000 година), позната и само како Хали, е американска пејачка и глумица. Таа е најпозната по тоа што е едната половина од музичкото дуо Клои и Хали, со својата сестра Клои Бејли, со која добиле пет номинации за Греми од 2018 година.
Биографија Хали Лин Бејли е родена на 27 март 2000 година и израснала во Меблтон, Џорџија, со нејзината постара сестра Клои Бејли, а подоцна се преселиле заедно во Лос Анџелес во средината на 2012 година. Сестрите почнале да пејат и да пишуваат свои песни, учејќи да свират на инструменти преку гледање упатства на Јутјуб. Нивниот татко и ко-менаџер, Даг Бејли, кој „ги научил да прават сè самостојно“, почнал да ги учи како да пишуваат песни на возраст од 8 и 10 години.
Кариера
2006–2016: Прв договор за снимање Дуото отворило канал на Јутјуб на возраст од 11, односно 13 години, со насловна на песната „Најдоброто нешто што никогаш не сум го имала“ на Бијонсе. Нивното прво видео кое станало „вирално“ било уште една песна на Бијонсе. Тие за првпат настапиле како Клои и Хали на својот канал. Дуото го имало своето деби во ток-шоу кога се појавиле на Елен Шоу во април 2012 година.
Во мај 2015 година, двете сестри биле во разговори да потпишат договори, а бидејќи двете сестри тогаш биле малолетни, договорот сдржел детали дека тие „[би] добиле најмалку 60.000 долари и аванси што може да изнесуваат речиси еден милион долари ако направат најмалку шест албуми“. Во 2016 година потпишале петгодишен договор со продуцентската куќа на Бијонсе, станувајќи „[нејзини] први вистински музички наследници“, а биле нарекувани и „чудото на Бијонсе“.
2016-2019: Клои и Хали врска=//upload.wikimedia.org/wikipedia/commons/thumb/d/dc/Chloe x Halle Nov 2018.png/255px-Chloe x Halle Nov 2018.png|мини|255x255пкс| Хали со нејзината сестра Клои во 2018 година Клои и Хали го направиле своето професионално деби на 29 април 2016 година.
Речиси една година подоцна, дуото го објавило својот микс, „Ние двајца“ на 16 март 2017 година. На 29 декември 2017 година, дуото ја објавило насловната нумера за ТВ серијата „Пораснато“, каде Хали имала улога во неколку сезони. Таа ја напуштила серијата на крајот на четвртата сезона, кога нејзиниот лик дипломирал на колеџ.
На 12 јуни 2020 година, дуото го издало својот втор албум, „Безбожен час“. Албумот дебитирал на 16-тото место на табелата на Билборд 200 со 24.000 продадени носачи на звук.
2019-сега: Соло потфати На 3 јули 2019 година, Дизни објавиле дека Хали Бејли ја добила улогата на принцезата Ариел во претстојниот римејк на „Малата сирена“ во живо. Режисерот Роб Маршал изјавил: „По опсежна потрага, беше сосема јасно дека Хали ја поседува таа ретка комбинација на дух, срце, младост, невиност и супстанција - плус славен глас за пеење - сите суштински квалитети неопходни за да ја игра оваа улога.“ Кастингот на Бејли како Ариел предизвикал контроверзии, при што некои тврделе дека давање на Афроамериканка да ја игра улогата на Ариел било неверно на оригиналниот лик. Дизни ѝ одговорил на јавноста со отворено писмо во кое го бранеле нивниот кастинг. Џоди Бенсон, оригиналната глумица на Ариел, исто така го бранела кастингот на Бејли, велејќи: „Најважно е да се раскаже приказната“ и дека „духот на ликот е она што навистина е важно“.
Уметност
Влијанија Музичките влијанија на Бејли дојдоа од џезот и слушањето на Били Холидеј уште од мали нозе. Таа ја наведе пејачката како едно од главните влијанија врз нејзиниот вокал. Покрај нејзиното пеење, таа свири на гитара.
Личен живот Забавите на Бејли вклучуваат пливање, трчање и возење велосипед како и изработка на обетки и ѓердани од мониста, кои почнала да ги продава. Хали има мачка по име Посејдон. Бејли живее во Северен Холивуд, Лос Анџелес со нејзината сестра. Кон крајот на 2021 година, таа започнала да се забавува со раперот и Јутјубер ДДГ.
Наводи
Категорија:Афроамерикански глумици Категорија:Живи луѓе Категорија:Родени во 2000 година Категорија:Афроамерикански пејачи