Свети Пантелејмон () — средновековна црква кај селото Просечен, Драмско, Егејска Македонија. Влегува во состав на Драмската епархија на Цариградската патријаршија.
Историја Црквата е изградена во втората половина на XIII век. Обновена е во 1915 г.
Таа била матичен храм на манастир. Според османски дефтер од 1478 г. близу Посечен имало село Пантолимон, дел од Драмската Каза, со 16 христијански домаќинства. Населението произведувало пченица, јачмен, овес, ’рж, леќа, шафран, плодови, памук, зеленчук, слама, лозје, чај и вино. Работеле шест воденици, очигледно на реката Панега.
Архитектура Градбата е еднокорабен компактен храм со впишан крст во сооднос 1:2,2. Првобитните внатрешни димензии биле 5,90 × 7,3 м без апсидата. Од стариот храм останати се само северните и источните делови. Апсидата одвнатре е полукружна, а однадвор била тристрана. Од обете страни имала керамопластични украси. Добро зачуван е и северниот дел, кој исто така има украси од тули. Во ѕидаријата се употребени архитектонски елементи од постари градби. Се гледаат влијанија од цариградските (во лаковите и јужната страна) и солунските храмови (полуседмоаголната конха со слепи лакови на апсидата).
Поврзано Драмска епархија
Наводи
Пантелејмон, Просечен Пантелејмон, Просечен