Vost (parnonzia: /(v)ust/ o /(v)ost/; ciamad anca agost) l’è el mes de l’ann quell di vot ind i lunari sgiulian e gregorian. El gh’ha 31 dì.
Ind l’emisferi austral, vost l’è equivalent a quell che l’è fevrer ind l’emisferi boreal, e vizzeversa. Ind l’emisferi boreal, vost l’ocorr d’istad; ind l’emisferi austral, inscambi, el riva de inveren.
Ind la Roma antiga a gh’era un frach de feste adree a vost: el Supplicia canum el se faseva el 3, i Lychnapsia el 12, i Nemoralia del 13 al 15, i Tiberinalia el 17, i Consualia el 18, i Vinalia el 19, i Vulcanalia el 23, i Opiconsivia el 25, e i Volturnalia el 27.
In prenzipi, el mes el se ciamava Sextilis in latin, desgià che l’era el sest mes ind el prim lunari roman che l’era stait fait su duranta el regn del Romel ind el 753 iEC. Ind el 8 iEC, el mes l’è stait renomenad in onor de l’imperador August.
I preje zodiegai de vost inn el peridot, l’onez e l’ispinell. I sò fior inn el gajœul e la bosola, che inn simboi de bellezza, forza, carater, amor, sposalizzi e fameja.Birth months, flowers, and gemstones, shgresources.com I sò segn zodiegai inn leon – infina al 22 de vost – e versgen – del 23 inanz. Signs in UT/GMT for 1950–2030.
Proverbi Marz duu fus scars, april un fus sgentil, masg el coo sul piumasg, vost gh’è el rizzet e se fila un fuset.
Refarenze
Olter proget
Categoria:Calendari