Trasmissione Radio Malvai (italian: Trasmissioni Radio Malvaglio), anca cognossuda a la scurtada tant'mè Radio TRM, a l'è un emittent radiofonega locala e catolega con sed a Malvai, Frazion de Rubiqet in Provinça de Milan.
TRM la se ocupa de trasmetter principalment musega, qe la rapresenta la plupart del so palinsest, sia italiana qe foresta, nœve del Castanes e dei comun arent, nœve de l'Italia e del mond grazia a InBlu, circuit radiofoneg a'l qual l'è afiliada, e trasmissione dei events dei comun covert de la radio. Al se pœl scoltar-la a i 88,0 MHz ind i comun del Castanes e qei arents, insœ DAB+ ind i bande de Milan e insœ i servizi de streaming sœ la red.
Storia L'emittent la vegn fondada ind el 1977 del Carlo Re qe, insema a dei oltr jœvin del sit, voleva entrar-g ind el mond dei radio libere, semper plussee spantegade in qei agn. I prime trasmissione, intra'l 1976 e'l 1977, i vegniven faite propi de cà del Re ma, per dervir-g la radio in manera ofiçala, al g'era el bisogn de un sit indovè impientar la sed de l'emittent. Incì, grazia a dei acords con la Paroqia de Malvai e'l Don Sormani, prevet de qei temp, la sed de la radio e la so antenna inn staite impientade in Piaza San Bernard, la piaza de la giexa de Malvai.
Riferiments
Ligam de fœra Sit ofiçal de Radio TRM
Categoria:Radio