La sinagoga de Corresg a l'era el sit de cult de la comunità ebraica de la cità emiliana.
Storia La comunità ebraica de Corresg l'è stada l'ultima in Italia a vesser mituda in d'un ghet, del 1782, quand che vari alter Stat in Europa eren in su la via de l'emancipazzion di sgiudee. Una sinagoga in cità la gh'era sgiamò del ses'cent in la cà del Rabin, ciapada poeu dent del ghet, ma una strutura aposta l'è tirada in pè domà del Setcent dent de la Cà Massarani.
Del 1820 dodes siori sgiudee se impegnen a fànn su vuna noeuva, a slargà quella de prima e finanziandes col vender la sed del Ses'cent e cont un capital de 250 franch de partenza, oltra a la donazzion de 'na quaj cà di member de la comunità ebraica.
El proget l'è preparad l'ann prima del resgian Domenico Marchelli e del corresgesch Forti e i lavorà gh'hann mitud du agn, anca per l'oposizzion de la Confraternita del Santissim Sacrament, ma del 1822 la sarà ativa.
La resta ativa fina ai prim del '900, vist che i sgiudee de Corresg perden la soa autonomia del 1921: la costruzzion l'è venduda a di privad e del 1950 l'è trada sgiò. I portai de l'Aron haQodesh inn mandad in Israell, indova che inn mitud in d'un tempi ligad al moviment Hapoel HaMizrachi.
Riferiment Ghetto di Correggio - ESTER Sinagoga di Correggio - ESTER
Categoria:Architeture de l'Emilia-Romagna