L'Arnaldo Martinelli (San Vitor, 11 de fevrer 1932 - Milan, 30 masg 2024) a l'è stad un pret italian, autor anca de poesie in dialet milanes.
Biografia Nassud a San Vitor, l'è ordenad pret el 26 de sgiugn 1955 in del Dom de Milan, del 1955 al 1958 l'è vicari parochial a Vared, menter del 1958 al 1977 l'è vicari in la Gesa de l'Assonta a Galaraa. L'è fad curad del 1977 e ghe fiden la parochia de Albizzaa fina al 1992, quand che 'l sposten in la Gesa de Santa Maria Rossa a Carsenzagh, de la che la resta curad fina al 2007 quand che, per el limit d'età, ghe resta 'me resident cont incaregh pastorai.
L'era amis del don Luigi Giussani e l'ha contribuid al spantegà de Comenion e Liberazzion a Galaraa e in di parochie che l'è stad.
El moeur el 30 masg 2024: ghe fann un funeral a Galaraa e vun a Milan, in la soa parochia. L'è miss sota in del cimiteri de San Vitor.
Poesia El milanes a l'era la soa lengua mader che se parlava a cà soa: ghe piaseva meter in rima anca in italian ma l'ha descovert el potenzial poetich del milanes con l'inconter del Renzo Oriani, sindacalista e poeta meneghin, e l'ha tacad a scriver.
La soa poesia la tratava vari tema, soratut de quotidianità, de la vita sacerdotal e di feste sacher, cont anca di poesie in sul tema del viver la pandemia de COVID-19: per el Denedal del 2020 l'ha dad foeura una poesioeula indova che 'l se imaginava un Betlem tut sarrad su, senza la possibilità per l'Imperador de fà el censiment.
Riferiment
Ligam de foeura Poesie in sul sit de la Parochia
Categoria:Nassud in del 1932 Categoria:Mort in del 2024 Categoria:Ceregh catolegh italian Categoria:Poeta italian Categoria:Autor in lombard