Buccinasch (Buccinasco) l'è on comun de la Provincia de Milan che 'l cunta abitant (dato del ), ona superfiss de 11,99 km² e ona densità de ab./km². La se troeuva in de l'hinterland milanes e la gh'ha dò frazion: Buccinasch Castell (el center stòrich) e Gù Gambaree.
Stòria L'è probabil che ghe fudess on insediament antigh etrusch, fondaa intorna al 300-600 prima de Crist.
El primm test in del qual se troeuva el nòmm Buccinasch l'è 'l Liber notitiæ Sanctorum Mediolani, scritt intorna al 1290 del Goffred de Busser. In la suddivision medieval del territòri milanes, Buccinasch la partegniva a la Piev de Cesan Boscon.
El nucli central e stòrich del comun l'è Buccinasch Castell. A quell lì hinn staa taccaa, in del 1841, anca i comun de Rovid, Roman Banch e Gud Gambaree. In del 1870 inoltra gh'hinn staa inglobaa anca Grancin e Ronchett sul Navili (che poeu in del 1923 l'è staa giontaa a Milan).
Inoltra a Buccinasch a gh'è on gran numer de cassinn: Cassinazza, Cassina Robbioeu, Cassina Terradee, Cassina Fagnana, Cassina Molinett, Cassina Parazzoeu, Cassina Molin Brusaa, Cassina Crivell.
Buccinasch al dì d'incoeu Al dì d'incoeu, bòna part di cittadin la viv in de la borgada de Roman Banch, l'unica che la s'è grandida tant duranta el boom demografich de la segonda metà del Noeuvcent: chì gh'è anca la sede del comun e 'l municipi. Questa còssa l'ha portaa a fà diventà Buccinasch Castell, la part stòrica del comun, ona frazion del medemm. Buccinasch Castell e Gù Gambaree hann conservaa l'antigh aspett agricol che on el gh'aveva tutt el comun, menter Rovid e Grancin s'hinn pradigament fonduu a Roman Banch.
Riferiment
Evoluzion demografega
L'andament del numer di abitant del comun de Buccinasch l'è mostraa in la tabella chi de sotta:
Categoria:Comun de la cità metropolitana de Milan Categoria:Comun de la Piev de Cesan