El Luis Balocch (in italian Luigi Balocchi; Mortara, 30 de giugn 1962) a l'è on poetta e scrittor italian.
Biografia Nassuu a Mortara, l'è ligaa per reson de famiglia a Biaa: in tra i agn '80 e '90 l'ha lavoraa 'me giornalista, soratutt de cronega negra, ma poeu l'ha daa indree in protesta contra i orden professionai.Ordine e Libertà - Dagli Anni 70 a oggi 180 e più collaboratori
Deventaa poeu maester elementarBALOCCHI DIECI ANNI DOPO RIPORTA IN CLASSE IL DIALETTO TRASMESSO AI BAMBINI, del 2005 el tira in pè la sociazion "La Brasca Lombarda", dedicada a la tutella, al spantegà e a l'insegnà la lengua lombarda.
Vesin a di posizion in favor di popoi indigen e member de Survival International, el se svesinarà al moviment econazionalista Domà Nunch, in del 2022 el se candida ai comunai de Biaa con la Liga, cont on programma tutt fondaa in su la coltura, ma l'è minga elegiuu.
Lavorà Anca se l'aveva daa foeura di cunt in di agn '90 la soa prima oeuvera importanta a l'è stada ona traduzion del Qoelet in lombard, dada foeura del 2006.El Qoelet «Osteria-Locanda “Teatro del Sogno” Del 2007 el scriv Il diavolo custode per l'editor Meridiano ZeroCasa Editrice, Meridiano Zero , on romanz in su la vita del bandii Sante Pollastri che l'aveva cognossuu de persona. Del 2010 el dà foeura Un cattivo maestro per Mursia e del 2011 Coelett per l'editor La memoria del mondo. Del fevree 2015 el dà foeura la cattada de poesij Appunti per la grande carestia per l'editor Divinafollia. Del 2015 el dà foeura con la goWare el noir Il Morso del LupoIl morso del lupo, casa editrice goWareRecensione de "Il morso del lupo". L'è redattor de la rivista litteraria independenta Niederngasse. Del ginee 2017 el dà foeura con Puntoacapo Editrice la cattada Atti di Devozione. Exit in Fiamme, romanz grottesch e de fantasia in su la fin de MilanLa distopia di Balocchi: Milano culla dei mali del mondo Luigi Balocchi: "Milano è la vetrina del mondo. Io l'ho spaccata", l'è daa foeura Emersioni (grupp Lit Castelvecchi) del november 2019Exit in fiamme.
Del 2021, per Puntoacapo editrice, el dà foeura Coeur Scorbatt - poesie lombarde de Bià, e con lu el vincc l'edizzon XL del premi de poesia "Giuseppe Tirinnanzi" de Legnan, cont ona giuria fada su de Franco Buffoni, Uberto Motta e Fabio Pusterla.Annunciati finalisti e vincitori della XL edizione del Premio Tirinnanzi
Del 2024 el dà foeura la cattada de poesij erotegh Barlicch barlòcch, con prefazion del Pusterla.
La soa litteradura l'è proppi influenzada del territori de la Bassa padana in tra el Tesin e 'l Pò, e 'l so stil despess el messeda l'italian, el lombard e anca vari gergh. Di soeu scritt hinn staa daa foeura in su rivist letterari tant 'me Il Segnale, Atelier, Versante Ripido, Nazione indiana.
Oeuver
Exit in Fiamme, Emersioni gruppo Lit, novembre 2019, ISBN 978-8831924542
Riferiment
Categoria:Nassud in del 1962 Categoria:Poeta italian Categoria:Scritor italian Categoria:Autor in lombard