La Gesa del Santissim Nom de Gesù, ciamada anca domà Gesa del Gesù, a l'è una gesa de Bari, in del quarter San Nicola.
Storia L'è stada fada su di Gesuita, che eren rivad in cità dopo che la fin del governo de la Bona Sforza l'ha menad a una crisi agraria: in principi eren ospit de la gesa de Santa Catarina, la soa gesa la sarà verta e consacrada del 1595, tirada su in sui ruvine de la veggia gesa che gh'haveven dad. La Compagnia la s'era mituda a gestì anca l'istruzzion, ma la soa presenza l'ha menad a una polemica in tra i class sociai de Bari.
In tra el 1767 e 'l 1773 a l'è bandonada, vist che i gesuita inn caciad del Regn de Napoli e desligad del Papa: ghe tornarann domà del 1885, e la sarà restruturada fina al 1978.
Fina al 1935 a l'era ciamada di sgent Gesa de la Circoncision, perchè gh'era una gran tila in su de lee dedree a l'altar magior.
Architetura La gesa a l'è vun di rari esempi de architetura de gesa baroca in cità, insema a la gesa de Santa Teresa di Mas'c: l'è pora 'me materiai e 'l dent, a navada unega, l'è decorada de rari, inscì de meter al center de l'assemblea la Messa e l'Eucaristia.
Gh'è un absid, che l'è quatad de 'na volta a bot.
Riferiment
Alter proget
Santissim Nom Santissim Nom