El Musee storegh vertical de Trevij a l'è una sezzion del Musee civegh de Trevij e 'l gh'ha sed in la Torr civega de la cità orobega, che l'è un campanin.
El se desvilupa in sui set pian de la torr, cont ogni pian che 'l gh'ha una mostra diferenta. Al pian terra se troeuva una capella del triicent cont un fresch de la Crocifission, al prim pian se veden i episodi pussee important de la storia de la cità, al segond se ved el sachegg del 1509 e 'l miracol de la Madona di Lagrime, al terz la Basilega de San Martin e 'l so Politegh, al quart se ved una recostruzzion del sistema a corde per fà sonà i campane, al quint la storia de l'orelogg de la Torr e al sest gh'è un belvedé, che se riva a vedé fina a Milan, ai Alp Orobie e, di voeulte, fina ai Pennin.
Riferiment
Storegh