La VenerDizionario del Cherubini, volume 4, pg. 491. (latin: Venus) l’è una deja romana che la gh’ha i fonzion de protetora e patrona de l’amor, la bellezza, desideri, sess, fertilitaa, prosperitaa e vitoria. Ind la mitologia romana l’era un’avola de tut el popel de Roma intravers sò fiœul Eneja, che l’era soravivud a la toma de Troja e l’haveva pœu de conseguenza reparad in Italia. El Sgiuli Zeser el diseva de vesser un sò dessendent. La Vener l’era una figura zentral in tante feste religiose, e l’era assee venerada ind la religion romana sota un frach de titoi e scomagne deverse.
Intravers un prozzess ciamad interpretatio romana – soratut ind l’art e literadura – la figura de la Vener l’haveva sorbid una mota de mitologie che pertegneven a la deja grega Afrodita. Ind la tradizzion classega suzzessiva, l’è vegnuda vuna di deitaa pussee menzionade de tut el corpus mitologegh greco-roman coma la personifegazzion de l’amor e de la sessualitaa. L’è sovenz depensgiuda coma una bella fomna desbiotada ind i picciure che la figuren.
Referenze
Ligam de denter Religion romana
Ligam de fœura
Categoria:Dia Categoria:Mitologia romana