On mantra (devanagari: मन्त्रम्)"mantra" . Random House Webster's Unabridged Dictionary. l’è la rezitazion de di paròll sagraa, di son divin, de ona sillaba, de di fonemma, o de un grupp de paròll, o in sanscret o in dij olter lengov che hinn retegnuu de possed un quaj podè religios, magegh o spiritual.Feuerstein, Georg (2003), The Deeper Dimension of Yoga. Shambala Publications, Boston, MA I mantra pussee vegg rivaa al dì d’incœu hinn staj scrivuu in India in vedegh sanscret.
L’esempi pussee sempi l’è fòrsi la paròlla ॐ (Aum, Òm) che l’è dovrada ’me on mantra e retegnuda el primm son a vesses originaa in su la terra. Quand che l’è rezitaa, el son ‘òm’ el produs di vibrazion in del còrp che vutten a calmà giò e el còrp, e la ment. In di formi pussee sofistegaa, i mantra pœuden vess anca di fras cont ona nuanz spiritual, compagna de la sid de cognossenza, realtà, lus, inmortalità, pas, amor, verità e azion. Un quaj mantra che el gh’ha nò de sens litaral el gh’ha però de sens spiritual, deggià che el mena a livàss sù in termen de spiret.
L’usanza, strucciura, fonzion, importanza e sòrt de mantra varien a segonda di scœur e di filosofij dedent de l’Induesim, Buddhesim, Gianesim e Sikhesim.Nesbitt, Eleanor M. (2005), Sikhism: a very short introduction, Oxford University Press,
I mantra gh’hann on rœul zentral in di tantra. In quej tradizion chì, i mantra hinn consideraa ’me ona rezitazion sagrada e on ritual profondament personal, sovenz de caratter inziategh – siben che in de dij olter scœur l’iniziazion in del mantra la saja minga obligatoria.Boyce, M. (2001), Zoroastrians: their religious beliefs and practices, Psychology Press
In gionta, la paròlla ‘mantra’ l’è anca dovrada per referìss a un quajcòss che el ven repetuu despess, e che donca el podaria taccà a lojà la gent pròppi a causa de l’ezzessiva repetizion.
Ligamm de dent Orazion Pūjā
Ligamm de fœura
Referenz
Categoria:Buddism Categoria:Tantra