El a l'è un musee de proprietà de la Fabrega del Dom, con denter varie oeuvere ligade a la storia e a la costruzzion del Dom de Milan, che l'è dent al Palazz de Cort.
El gh'ha dent, in di so 26 sale, el tesor del Dom e i oeuvere d'art che vegnen di deposit de la Fabrega, che inn mitud in orden de temp inscì de dàgh una vision in su la costruzzion de la Catedral. Dent del pless a gh'è anca una cobia a grandezza natural de la Madonina e la veggia Gesa del San Gotard in Cort, che l'era la Capella Ducal.
Sgiamò in del secol quell de desnoeuv a gh'era l'ideja de fà su un musee per meter in mostra i robe che la Fabrega del Dom la doperava no, ma l'è stad in del 1948, con la direzzion de l'Ugo Nebbia, che ghe dann a disposizzion l'ala pussee veggia del Palazz de Cort per fà su l'esposizzion, che l'è verta in del 1953.
In del tesor mostrad a gh'è la Cros de Ceravall, che per la tradizzion a l'era stada portada de l'Oton Vescont in la bataja de Des, la Pas del Pio IV, l'Evangelari de l'Aribert de Intimian e la sitola del vescov Gotifred.
A gh'è anca vari modei architetonegh del Dom midem, di scolture, di vetrade, di quader e di araz.
Galleria di foto
Bibliografia Autori vari, Il Grande Museo del Duomo: il simbolo di Milano svela la sua storia, Corriere della Sera, 2013 Nuovi Annali. Rassegna di studi e contributi per il Duomo di Milano, 2010 Nuovi Annali. Rassegna di studi e contributi per il Duomo di Milano, 2009 Ernesto Brivio, Guida del Duomo di Milano, Fabbrica del Duomo, Milano 1989 Rossana Bossaglia e Mia Cinotti, Tesoro e Museo del Duomo, Mondadori Electa, Milano 1978
Ligam de foeura sit ofizzial
Alter proget
Dom