Anna Stepanovna Politkovskaja (en rüso: Анна Степановна Политковская; Nöa York, 30 de óst del 1958 - Mósca, 7 de utùer del 2006) l'è stàda 'na giornalìsta rüsa e ativìsta per i derécc de l'òm cunusìda per la sò upuzisiù a la guèra 'n Cecénia e al presidènt de la Rüsia Vladimir Putin.World Politics Review LLC,Politkovskaya's Death, Other Killings, Raise Questions About Russian Democracy , 31 Oct 2006
La Politkovskaja la s'è fàda 'n nóm coi sò reportàge sùra la Cecénia, endóche divèrsi giornalìsti e lauradùr umanitàre i è stacc sequestràcc e facc fò. 'Na ólta pò a lé l'è stàda arestàda e pò fàda ogèt de na simulasiù de ezecusiù de la part dei militàr rüsi.
'N ótra ólta, endèl setèmber del 2004, quan che gh'ìa 'n bal la crìzi dei ostàgi de Beslan, entàt che l'ìa söl aparèchio per nà a Beslan, l'è stàda mal e la g'ha pirdìt conoscènsa. L'aparèchio el g'ha duzìt turnà 'ndré per dàga socórs. I dutùr i è mai stacc bù de spiegà 'l malùr ma 'n tacc i pènsa che la sàpe stàda 'nvelenàda, però lé l'è scampàda e l'è nàda 'n nacc a fà informasiù.
La g'ha scriìt divèrsi lìber, tat sùra la guèra 'n Cecénia come sùra la Rüsia de Putin e la g'ha risiìt divèrsi prémi 'ntenasiunài.
Ai 7 de utùer del 2006, Anna Politkovskaja la vé copàda 'ndèl ascensùr de la sò cà, entàt che l'ìa dré a rientrà. La sò mórt la g'ha mitìt en müimènt divèrse persùne e organizasiù en Rüsia e 'ndèl mónt, per fà sé che le circostànse de l'omicìdio le vignìes ciarìde prìma pusìbol.
Biografìa La Politkóvskaja l'è nasìda a New York endèl 1958 col nòm de Anna Mazepa, de genitùr de urìgin ucraìna che lauràa cóme diplomàtich a le Nasiù Ünìde. L'è crisìda a Mósca e la g'ha stüdiàt giornalìsmo a l'Università Statal de Mósca, endóche la s'è laureàda endèl 1980. La g'ha dat la tézi sùra le poezìe de Marina Cvetaeva. La Politkovskaja la gh'ìa citadinànsa tàt dei Stàti Ünìcc che de la Federasiù Rüsa.'Independent journalism has been killed in Russia' Becky Smith
Premi e ricunusimèncc 2001: Prémio de l'üniù dei Giornalìsti Rüsi 2001: Amnesty International Global Award for Human Rights Journalism 2002: PEN American Center Freedom to Write Award 2002: International Women's Media Foundation Courage in Journalism Award 2003: Lettre Ulysses Award for the Art of Reportage 2003: Hermann Kesten Medal 2004: Prémio Olof Palme (ensèma a Ljudmila Alekseeva e Sergej Kovalev) 2005: Prémio per la LIbertà e 'l Futùro dei Media 2006: Prémio Giornalìsmo 'Nternasionàl dedicàt a Tiziano Terzani
Riferimèncc
Politkovskaja Categoria:Nassud in del 1958 Categoria:Mort in del 2006