Nu Puppis (ν Pup / ν Puppis) a l’è ona stella giganta azura de magnitudin 3,17 situada in la costellazzion de la Popa. L’è distanta 423 ann lus del sistema solar.
Osservazzion La se troeuva in de l’emisfero celest austral in su la linea de sgiontadura in fra i stelle Sirio e Canopo, sossenn pussee arenta a la segonda. La sua posizzion moderatament austral la fa in manera che questa stella chì la sia osservabil specialment de l'emisfero sud, indoe che se po vedélla alta in del cel in la banda temperada; inveci in de l'emisfero boreal la soa osservazzion l'è pussee penalizada, specialment foeura de la soa banda tropical. Desgià che l’è de magnitudin 3,2, a se pò vardàlla anca di picoi center urban senza difficoltà, siben che on cel minga ecessivament inquinad el sia pusse indicad per individoàlla.
El temp miglior per vardàlla in del cel seral l’è compres dedent di mes in fra desember e masg; in de l’emisfero sud a l’è visibil anca a l’inviada de l'inverna, grazzie a soa declinazzion austral de la stella, inveci in de l’emisfero nord la po vesser osservada domà in del cors di mes de la tarda estad boreal.
Carateristiche fisiche manzína|miniatura|La Nu Puppis in d’ona simulazzion de Celestia vedud de la distanza de 0,75 UA. A destra l’è visibil Canopo, che "domà" a 85 ann lus de distanza de Nu Puppis el sberlusariss de magnitudin -3,4’Me che l’è stad verificad cont el programa informatich de simulazzion spazzial Celestia La stella l’è ona giganta blu de class spetral B8III; i modei de evoluzzion preveden che ona stella de 5 masse solar, compagn de la Nu Puppis, la sia nassuda come ona stella de class B pressapoch 95 million de ann fa, e e l’habia terminad la fusion de l'idrogen in del so nucli d’ona quai miara de ann. Adess a l’è ‘dree a slargàss foeura, e de chì a di temp relativament curt in su scala di stelle la vegnarà ona giganta rossaNu Puppis (stars, Jim Kaler)
La gh’ha ona magnitudin assoluta de -2,39, e a considerà la radiazzion ultravioleta emessa, l’è sbarlusenta 1340 volte pussee del Sol. La Nu Puppis la gh’ha anca on picola variabilità, d’on quai centesim de magnitudin; on quai databeiz i la cataloghen come variabil cefeide inveci alter come variabil Beta CepheiDati della stella dall'archivio SimbadNu Puppis Alcyone.de
Note