La Locomotiva RhB Ge 6/6 I a l'è una locomotiva eletriga a scartament metregh de la Ferrovia Retiga, ciamada "Cocodrill" per la soa forma, e doperada del 1921. Al dì d'incoeu ne fonzionen do, doperade per di servizzi storegh o merci.
Storia Con l'eletrifegazzion de la ferrovia de l'Albula el cress el besogn di locomotive eletrighe de la Retiga e se scerniss de ordenà di locomotor pussee potent di Ge 2/4 e Ge 4/6 che gh'eren a l'epoca. 'Sti locomor a inn consegnad in tra el 1921 e 'l 1929 e grazzia a lor hann podud toeu via tucc i locomotive in servizzi a vapor, anca per i treni pussee pesant compagn del Glacier Express.
La prima l'è retirada in del 1974, per un incident, ma sgiamò del 1958 i Ge 6/6 II hann tacad a toeu via spazzi a la locomotiva e i Ge 4/4 II hann relegad i cocodrill a servizzi semper men important e in del 1984 domà ses eren in servizzi: quater inn poeu stad metud in mostra in di musee o stazzion, menter do fonzionen.
Carateristeghe Compagne a nivell estetich di Cocodrill di Ferrovie Federai Svizzere, pensade per la Ferrovia del Gotard, inn fad de do toch articolad cont un Jackshaft: ogni toch el gh'ha un motor cghe l'è tacad ai alter roeude con di bielle.
Galleria di foto
Bibliografia Francesco Pozzato Il Coccodrillo Ge 6/6 I della Retica. Loki spezial 9/1995
Alter proget
Ge 6/6 I