miniatura|Camillo Cima El Camillo Cima (Milan, 8 de otober 1827 – Milan, 15 de marz 1908) a l'è stad on dramatorgh, ilustrador, scritor e pitor italian, ativ soratut in milanes.
Biografia El Camillo el s'è lauread in architetura e dopo l'ha tacad a disegnà per di periodegh. In del 1856 el fonda, cont el Cletto Arrighi, el sgiornal umoristegh L'Uomo di Pietra, in del qual el publicava a pontade la Storia de Milan cont el pseudonim de "Pinzo". Lilinscì el publicava soratut osservazzion satireghe sora event o persone de la seconda metà del vot-cent. L'ha vendud el sgiornal in del 1859 per dervì la Cicala Politica, in pé fina al 1864.
In del 1863 el fonda l'Illustrazione Italiana e Il diavolo a quattro, in tra i prime riviste italiane ilustrade.
In del 1879 l'ha publegad El venter de Milan, el prim romanz cognossud in lengua lombarda.
L'è mort a Milan, l'è stad cremad e miss sota al Cimiteri Monumental de Milan.
Anca el so fioeul Corradino l'ha scrivud in dialet milanes.
Oeuvere
Romanz El Camillo Cima l'è stad el prim scritor a publicà on romanz in lombard, El venter de Milan, metud foeura in del 1879. El romanz el cunta su la storia d'amor desfortunada de la Peppinetta, ona tosa milanesa. Tuta intorna ai event, el romanz el parla de la vita de la cità, cont el fermàss soratut in del descriver i so personagg, i so negozzi e i so restorant, quell che se mangiava e che se cusinava.
Storie In del 1896 publica in del so sgiornal L'Uomo di Pietra la Storia de Milan, in de la qual se parla de la vita de la cità e di so citadit.
Poesie In del 1889 el publica, semper in su L'Uomo di Pietra, i Poesie Meneghine, ona catada di so poesie scrivude in tra el 1865 e 'l 1884.
Comedie In de la so vita, el Cima l'ha scrivud circa trenta comedie in tra i quai:
In lombard El zio scior (1869); 48 ôr; El pret scapusc (1873); El mercaa de Saronn; El barchett de Vaver; La Liusetta de Sest Calend; I duu matrimoni; I duu tabar; La donzella de cà Bellotta; I fanagottoni; La festa de San Laguzzon; On panattonin (1877); On'ora in stamparia. In italian La barca corriera (1871) I barbellati (1874)
Bibliografia Ferdinando Fontana, Antologia Meneghina, Belinzona 1900, pag. 343. Claudio Beretta, Letteratura dialettale milanese. Itinerario antologico-critico dalle origini ai nostri giorni, Milano 2003, Hoepli.
Categoria:Scritor italian Categoria:Pitor italian Categoria:Autor in lombard Categoria:Nassud in del 1827 Categoria:Mort in del 1908 Categoria:Dramatorgh italian