miniatura|El laghètt del giardìn El giardin de Villa Mylius a l’è ‘n parch pùbblich comunàl situàa a Sest San Giovànn. In orìgin el giardìn l’èra insèma a la Villa Mylius, e domà de recént l’è diventàa ‘na struttura in deperlée e ‘n parch botànich indoe ghe se svòlgen di attivitàa de insegnamént cont i allév di scoeul de Sèst San Giovànn. El gh’hà ‘na superfice de circa 4000 meter quadràa e ‘l gh’hà denter anca on laghètt, ‘na sèrra, ‘na quaj proeusa fada apòsta per l’insegnamènt, on padiglión e divèrsi speci botànich d’interèss particolár. El giardìn l’è denter in de la red di giardìn stòrich .

Stòria L’è stàa creàa in del 1770, e in dal 1804 l’è diventàa de proprietà de l' Enrico Mylius, on ricch impresari locàl del settór de la seda. In di archivi A ghe n’è pòcch de informazión sora la struttura originaria. El giardìn, organizzàa segond la tradiazión classica italiana l’è stàa oggètt de cambiamént divèrsi vòlt adrée ai sècoj a segonda di usànz del momént. L’è diventàa de proprietà del comùn in del 1928 insèma a l’aquìst de la villa. Dòpo la separazión infra la villa e ‘l giardìn, el giardìn l’è stàa doperàa per di fin de insegnamént. L’è stàa anca la sede d’on pìccol zoo con di cavrètt, di dàin, di conilli, di òcch e di gaìnn e ‘na quàj uselléra che la gh’aveva denter di sgriffón, di lorócch, di cornàgg, di scorbàtt e di uséitt in del 2011 è stàa sistemàa e miglioràa.

Piant In del giardin a se troeuven di speci de piant particolar, infra di quàj:

Acer buergerianum Acer palmatum Acca sellowiana Abièzz bianch (Abies alba) Catalpa bignoniaceae Frigée (Celtis australis) Lègn de giuda (Cercis siliquastrum) Ciprèss (Cupressus sempervirens) Davidia involucrata Magnolia grandiflora Magnolia stellata Mahonia Lagerstroemia indica Niscioeula (Corylus avellana contorto) Nos neghe (Juglans nigra) Metasequoia glyptostroboides Oliv (Olea europaea) Parrotia persica Pin de pignoeu (Pinus pinea) Rògor (Quercus robur) Rogorón (Quercus rubra) Rogora da sugher (Quercus suber) Tilli (Tilia platyphyllos) Nass (Taxus baccata)

alber de frutt e vari arbùst.

El laghètt Denter in del laghètt, denánz de la sèrra, a gh’è 'n stagn de pressappòch 360 meter quadràa, intraversàa d’on pontisèll de lègn che le separa d’on àrea cont i piant de la palùd. Quèlla zòna chì la fa el mestée del depuradór di acqui per mèzz de trii sistèma de filtrazión.

meccànich: i sostànz grossolàn vegnen trattegnùd de la gera de vari grandèzz. fitològich: i sostánz inquinánt vegne surbìi su di radis. biològich: i sostánz tòssich vegnen ossidàa e degradà di batteri.

La filtrazion l’è attiva 24 or de 24 grazie a 'na pompa che, in manera sforzada, la fa circolà l’acqua del laghètt in del sistèma de filtrazión. A gh’è denter in del laghètt on mucc de tartarugh acquaticah, pess ross, carpi comun, carpi specc, carpia koi e gambùsi.

La sèrra La sèrra, missa de fianch de l’entrada principál, l’è avèrta a la cittadinanza e ai scoeul e l’è gestida di volotari de l'associazion Fior di Mylius . Ind la sèrra gh’è denter on mucc de piante carnivor, piant grass, orchidèi, e 'n quàj bonsai, di varietà de ornamént e d'appartamént, di esempi de giardìn piscinìtt che ricòrden di ambiènt con di piànt tropicàj e grass e trìi Acquari. Denter che se svòlgen di attività compagn del seminèri, del trapiànt, de la potadura e de la riproduzion per mèzz del taj o de la margotta, de la cura di piant, di inconter a tema e di laboratòri de botanica.

Vos correlad Sest San Giovann Villa Mylius Giardin de Villa Zorn

Riferiment

Bibliografia

ReGis rete dei giardini storici, Villa Mylius Lombardia beni Culturali Villa Mylius Giardino didattico villa Mylius, Comune di Sesto SG. e Associazione Fior di Mylius, s.d. Lincoln Cadioli P., Sesto San Giovanni dalle origini ad oggi, Sesto San Giovanni 1964, pp. 50-51. Langé S., Ville della provincia di Milano. Lombardia 4, Milano 1972, pp. 537-538. Immagini di Sesto antica, Sesto San Giovanni 1980, pp. 95, 106. Binaghi Olivari M.T./ Süss F./ Bagatti Valsecchi P.F., Le ville del territorio milanese, Milano 1989, v. II p. 146. Oldrin G., Dinastie sestesi, Sesto San Giovanni 1998, pp. 17-19. Enciclopedia Sesto San Giovanni, Comune di Sesto SG., 2000.

Categoria:Giardin de Sest San Giovann