El Giuseppe Talamoni (Monscia, 9 de magg 1886 - Vares, 8 de magg 1968) a l'è staa on pittor e letteraa italian.
Biografia
Fiœu d’ona famiglia de artist, Giuseppe Talamoni l’ha intrapres la sò formazione artistica a l'Academia de Brera, indoe l’ha avuu come maestar Cesare Tallone e Vespasian Bignamm. L’ha frequentaa el studi de Mosè Bianchi e a Monza l’ha partecipaa a la creazion del prim Cenacolo Artistico insèma a Bucci, Dudreville e Baioni. Finii i studii nel 1906, l’ha esordii publicament con l’òpera “Tramont in Val S. Martino”.
El sò debut in ambiënt teatral l’è avvenuu al Teater Social de Varès. Nel 1924 l’ha partecipaa come attor a la rappresentazion de “La sposa sagace” de Carlo Goldoni. A partì dal 1925 l’ha ciapaa part a le Internazional de l’acquerell, dedicandose in particolar al paesagg, sia a acquerell sia a öli. L’era anca esperto nella tecnica ceramica e nella xilografia. Tante sò ceramiche hinn staa comprade da collezionist de Monza e de Varès. L’ha lavoraa anca, in manera continuativa, alla scenografia e allo studi di costumm teatrài. El 10 settember 1927 l’ha partecipaa alla mostra “Onoranze a Volta”, tegnuda press l’Istitut Giosuè Carducci de Comm, cont i dipint: “I lagh briantee” e “Tramont sul lagh de Varès”. Nel 1928 l’ha partecipaa al Concorz nazional de l’arte teatral de Turin, prendend part alla messa in scena de “Tristi amori” de Giuseppe Giacosa.
Nel 1927 l’ha fondaa a Varès el Grupp Folcloristic Bosin, del qual l’ha curà anca le prime attività artistiche e organizzative. Nell’agost e nel settember del 1928 l’ha guidà la prima esibizion del grupp al Radun di Costumm Caratteristic Italian de Venezia (18-19 agost e 8-9 settember).
In parallell all’attività teatral, nel 1928 l’ha inizià a lavorà press la fabbrica de stovie de Ghirla. Nel 1930, sota la gestion de Carlo Ghisolfi Junior, fiœu del proprietari, dentar la manifattura l’è stada inaugurada ona sezion de ceramica artistica, la cui direzion l’è stada affidada a Talamoni. A partì dal 1932, semper nei laborator de la manifattura, l’è stada istitüida ona scöla de decorazion ceramica sota la sò direzion.
Nel 1932 l’ha pubblicaa el Canzonier Bosin, con prefazion de Giovanni Bagaini, ona raccolta de poesìe in dialett varesin illustrade con disegn del stess autor. Nel cors di ann l’ha fondaa anca l’Accademia de recitazion “Dante Alighieri”, che l’ha operaa in collaborazion con istitutt de Lecc e Gallaràa.
Nel second dopoguerra l’ha lassaa Varès e l’è andaa a stà a Laven, indoe l’è staa ciamà a collaborà con la S.C.I.
Nel 1946 l’ha ricopert el rœul de regista per “El zio matt” e “Tecoppa Institutor” de Guido Bertini, e l’è staa autor di commedie “Tèdas œuv par donzèna” e “Un cœr da bombom”. Nello stess period l’è staa tra i fondador del periodic satirich “Il Matocco”. Nel 1956 l’ha realizaa la maschera tradizional varesina del Pin Girometta, che l’ha vincüü el concors indett dalla Famiglia Bosina per el Carnevaal varesin de quell’ann.
Poesìe I sò poesì e i sò vers hinn scritt interament in dialett varesin, cont on stil classego e senza l’inflüss del dialett milanes.
Bibliografia Region Lombardìa - Antologia della poesia nelle lingue e nei dialetti lombardi
Categoria:Autor in lombard Categoria:Pitor italian Categoria:Nassud in del 1886 Categoria:Mort in del 1968