L'Elettrotreno RhB ABe 8/12 a l'è 'n elettrotreno de la Ferrovia Retiga a scartament metrich bon de doperà sia i 11 kV in correnta alternada tipega de la red centrala che i 1'000 Volt de la ferrovia del Bernina.
El sò nomm, in del sistema de classificazion svizzer, el voeur dì che l'è 'na motris elettriga sia de prima che de segonda class, cont 12 ass de che vott motor.
Storia I unità hinn staa consegnaa in tra el 2009 e 'l 2011 e hinn staa doperaa subit soratutt in di lign pussee inclinaa compagn de la Ferrovia Coira-Arosa, la ferrovia del Bernina e la Ferrovia Landquart-Davos.
El 5 de dicember 2009 l'ha faa el record de la velocità in sul scartament metrich in de la galleria de la Vereina indova che l'è rivaa a 139 km/h in di proeuv pre-servizzi, inscì de batt el vegg record de la Regionalverkehr Bern-Solothurn di 134 km/h. El record de la Retiga in precedenza l'era de 110 km/h.
Caratteristegh El treno l'è bon de girà in su tucc i tension doperaa de la Retiga e hinn dotaa de aria condizionada per tucc i compartiment e la prima class la gh'ha 'na zona panoramica direttament in su la ferrovia menter la carrozza in del mezz l'è a pianal ribassaa, per permett ona salida pussee comoda ai personn cont di difficoltà.
Lista Numer Nomm Ingress in servizzi Status3501 Willem Jan Holsboer ottober 2009 in servizzi3502 Friedrich Hennings november 2009 in servizzi3503 Carlo Janka marz 2010 in servizzi3504 Dario Cologna avril 2010 in servizzi3505 Giovanni Segantini avril 2010 in servizzi3506 Anna von Planta luj 2010 in servizzi3507 Benedetg Fontana agost 2010 in servizzi3508 Richard Coray settemper 2010 in servizzi3509 Placidus Spescha november 2010 in servizzi3510 Alberto Giacometti november 2010 in servizzi3511 Otto Barblan dicember 2010 in servizzi3512 Jörg Jenatsch sginee 2011 in servizzi3513 Simeon Bavier sginee 2011 in servizzi3514 Steivan Brunies marz 2011 in servizzi3515 Alois Carigiet marz 2011 in servizzi
Galleria di foto
Riferiment Dacc in sul treno
Alter progett
Allegra