La Stazion de Milan Porta Genova a l'è 'na stazion ferroviaria de Milan, missa in l'omonem quarter, e inizzi de la linia per Mortara.
Storia L'è verta del 1870 e in del 1931 la deventa stazion de testa de la linia Milan-Mortara. Del 1983 la deventa anca sed de 'na stazion de la metropolitana e l'è sarada per on quaj mes per fà su on sottapassagg.
Al dì d'incoeu se parla de saràlla su per el cambiament di caratteristegh del traffigh e de attestà i treni de Mortara a Rogoree via la cintura Sud e de sostituìlla con la stazion de Milan Tibaldi.
Moviment La stazion l'è servida di treni de la Trenord a frequenza oraria per Mortara, slongaa in di or de ponta finna a Lissandria.
Interscambi Stazion de la metropolitana (Porta Genoa FS ) Fermada del tram (lign 2, 9 e 10) Fermada de l'autobus
Riferiment «Porta Genova chiude solo dopo l’apertura della fermata Tibaldi»
Porta Genoa Milan Porta Genoa Porta Genoa