La ferrovia Bressa-Isee-Edol a l'è 'na ferrovia a scartament standard che la conliga Bressa a Edol e, cont 'na diramazion, a Rovaa. Esercitada in origin de la Società Meridionala, l'è stada fada su in tra el 1885 e 'l 1911 e l'è gestida poeu di Ferrovij del Stat italian e de la Società Nazionala Ferrovij e Tranvij e incoeu l'è esercitada di Ferrovienord.
La linia l'è verta al traffich passegee, faa de la Trenord, e al traffich merci, de la DB Cargo Italia.
Tecnega La linia, a binari unich e minga elettrifigada, la gh'ha el sistema de Controll Centralizzaa del Traffich e 'l Sistema de Support a la Condotta. L'è armada in part cont i rodaj UNI 50 e in part cont i vegg rodaj de 36 kg/m.
Motris Per el traffich passegee a hinn doperaa di automotris derivaa de la ALn 668 di FS ciamaa 668-120, 668-130 e 668-140 e anca di autotreni ciamaa ATR 115 e 125.
Per el traffich merci a hinn doperaa di composizion guidaa de la Locomotiva D.752.
Bibliografia AA. VV. Una linea verso l'Europa: il futuro della linea ferroviaria Brescia-Iseo-Edolo nella rete alpina dei trasporti. Breno, Comunità montana della Valle Camonica, 2002.
Antonio Burlotti. Stazioni e fermate della linea ferroviaria Brescia/Iseo/Edolo, in Mauro Pennacchio. La meccanica viabilità - La ferrovia nella storia del lago d'Iseo e della Vallecamonica. Marone, Fdp Editore, 2006. ISBN 88-902714-0-X
Vos corelaa FTI - Ferrovie Turistiche Italiane Ferrovia Palazzoeu-Paratich Red tranviaria extraurbana de Bressa
Bressa-Isee-Edol Bressa