L'Elettrotreno FS ETR.600 a l'è 'n elettrotreno cont el pendolament progettaa de la Alstom per Trenitalia e part de la familia del Noeuv Pendolino, doperaa anca in àlter Stat.
Storia El treno a l'è staa desvilupaa a partì del 2004 'me evoluzion di treni ad assett variabil de la familia del Pendolino e l'è staa crompaa in 12 esemplar de la Trenitalia cont la società italosvizzera Cisalpino che n'ha crompaa alter 14.
I treni hinn staa consegnaa in del 2007 e hinn entraa in servizzi in sui relazion Roma-Bari (3 or e 59 menut) e Roma-Regg de Calabria (5 or e 14 menut).
In del 2008 a hinn doperaa paj servizzi classifegaa 'me Frecciargento.
Caratteristegh tecnegh Ògni treno a l'è faa de sett element e 'l terz l'è mità trasport viaggiator mità bar/self service, cont anca el compartiment del capotreno.
L'alimentazion a l'è sia la classega 3 kV CC sia l'alimentazion AV a 25 kV CA e l'è bon de rivà a 250 km/h. El gh'ha anca SCMT e ERTMS per vèss guidaa de domà 'n macchinista, cont la possibilità de ospità in gabina on segond agent.
El gh'ha anca el rampin automatich per cobbiànn 2 senza intervent del personal de terra.
Galleria di foto
Vos corelaa Frecciargento Elettrotreno Cisalpino ETR.610
Bibliografia Angelo Nascimbene, Il nuovo Pendolino ETR 600, in Tutto treno, 18 (2006), n. 201, pp. 18–25
Alter progett
600