El Campiunaa del Mund de Formula 1 1992 l'è staa el 43° valid per el Campiunaa del Mund Piloti e 'l 34° per el campiunaa del Mund Custrutur. L'è iniziaa el 1° de marz e l'è finii el 8 de nuvember dopu 16 Gran Premi. El Campiunaa del Mund Piloti l'è staa vengiüü per la prima volta dal pilota britanich Nigel Mansell cun 108 punti, mentre el Campiunaa Custrutur l'è staa vengiüü per la quinta volta de la scüderia inglesa Williams cun 164 punti.
Resucunt de la stagion La süperiorità de la Williams FW14B del Nigel Mansell e del Riccardo Patrese la se ved sübit: la Williams la fa quater dupiett in di prem cinch Gran Premi, tücc vengiüü dal Leon d'Inghiltera. Gemò in Üngheria, a cinch gar da la fin, Mansell el venc el Campiunaa del Mund Piloti; la Williams la gh'ha de specià amò una gara per venc el Campiunaa del Mund Custrutur in Belgio. El Campiunaa del Mund de Formula 1 1992 el ved anca la prima vitoria de un giuven Michael Schumacher sö Benetton ind el Gran Premi del Belgio. Anca i dü alfier de la McLaren, Ayrton Senna e Gerhard Berger, i ghe riessen a vinc di cursi in de la stagion 1992: el brasilian el vinc tri gar e l'austriech dü.
Clasifica piloti
1992