Lisander Maggiolini (Baregg, 15 de lüi 1931 – Cum, 11 de nuémber 2008) l'è stai el Vèsc de Carpi dal 1983 al 1989, e dopu de Cum dal 1989 al 27 de genár 2007.
Biugrafia
Nasüd a Baregg el 15 de lüi 1931 l'è diventád pret el 26 de giügn 1955 cunsacrá da l'Arcivesc de Milan Giuánn Batista Montini, che 'l sarés diventád papa Pàul VI.
L'é stai prufesùr de Filosofia in tanti Seminari de la Diocesi de Milan e asisten de la FUCI.
El 29 de magg 1983 lé stai cunsacrá Vesc de Carpi dal Cardinal Baggio. L'é stai trasferid a Cum el 31 de genar 1989. El s'é dimess el 27 de genár 2007.
Stema e mótt
« Veritas misericordia et gaudium » - « Veritá misericordia e alegria »
Curiusità
A l'era un amis del prufessur Gianfranco Miglio; ieren stai anca culega a l'Üniversità Catolica, e 'l ciapeva spess la difesa di tradisión e di identità lucaj del sò teritori. A l'era stai culegaa per i sò idej ai tesi pulitich de la Lega Nord, anca per l'amicizia cun l'Umberto Bossi. L'é stai l'ünic vesc italián a partecipá a la scritüra de Catechismo de la Cesa Catolica.
Liber che l'ha scritt
Via Crucis, Shalom (Collana Il Figlio), Camerata Picena (An), 1999 Il prete. La vita al servizio della comunità di Dio, Piemme, Casál Munferá (Al), 2000 Il Papa chiede perdono, Piemme, Casál Munferá (Al), 2000 (Cun A. Caelli) L' unità del presbiterio. Una spiritualità di comunione per il clero, Città Nuova, Ruma, 2001 Fine della nostra Cristianità, Piemme, Casál Munferá (Al), 2001 La santa paura, Mondadori, Milan, 2000 Declino e speranza del Cattolicesimo, Mondadori, Milan, 2003 Mi pento con tutto il cuore. La confessione, Mondadori, Milan, 2004 Ma il Figlio dell'uomo, quando verrà, troverà la fede sulla terra?, Mondadori, Milan, 2004 Fogli sparsi d'augurio. La sorpresa dell'ovvio, SugarCo, Milan, 2007 Tu. Introduzione alla preghiera, Cinisell, San Paolo, 2007 Più nulla da difendere, Cinisell, San Paolo, 2008
Ligamm de foeura
Sitt üficial
Categoria:Vescov de Carp Categoria:Vescov de Com Categoria:Nassud in provincia de Milan Categoria:Nassiment minga cognossud Categoria:Mort minga cognossuda Categoria:Ceregh catolegh italian