Noi con l'Italia (Nunch cont l'Italia in lombard) a l'è on partii politegh italian democristian che 'l supporta la coalizion de center-destra ai elezion politegh italian del 2018, de che l'è el center moderaa.
Storia L'idea de 'na quarta gamba del center-destra la vegn quand che l'Enrico Costa, minister del governo Gentiloni, el se dimett per tornà in la coalizion del Berlusconi.
El 19 de dicember 2017 a l'è offizialment nonziaa el partii unich, cont i mèmber de destra de l'Alternativa Popolar (quej de sinistra hinn andaa in la Civica Popolare) e di àlter partii. A genar a hinn tolt dent anca di àlter partii centrista. El 11 de genar 2018 a l'è svelaa el simbol cont el scud de l'UDC.
In di elezion regionai lombard del 2018 l'ha supportaa el candidaa comun del center-destra Attilio Fontana.
Al referendum in su la giustizia del 2022 se s'ceren cont el sì.
Ideologia A nivell social el partii el dà importanza a la familia, cont di propost per la natalità e de mett el riatt internazional de surrogazion de maternità, l'introduzion de 'na segonda lengua in di scoeur e mett l'obbligh de l'autorizzazion di genitor per fà educazion sessuala.
A nivell economich el partii el voeur remett i voucher, la flat tax e sbassà el debit publegh del 20% in 5 agn.
A nivell territorial NcI el voeur modifegà el titol V de la Costituzion italiana per dà pussee competenz ai Region e on'autonomia speciala a Roma e Milan.
El partii a l'è a favor de dà pussee poder al Parlament europee e de elegg direttament el President de la Commission.
Member Direzione Italia del Raffaele Fitto Scelta Civica de l'Enrico Zanetti Fare! del Flavio Tosi Cantiere Popolare del Francesco Saverio Romano Movimento per le Autonomie del Raffaele Lombardo Unione di Centro del Lorenzo Cesa Identità e Azione del Gaetano Quagliariello UDEUR del Clemente Mastella
Resultaa Cambra AnnVot %Scagn2018428'2981,30 Senad AnnVot %Scagn2018361'7371,19
Riferiment Nasce "Noi con l'Italia", la lista dei centristi pro-Berlusconi Enrico Costa si dimette: Gentiloni perde pezzi. L’ex ministro verso Forza Italia. Alfano: “Inevitabile e tardivo" Noi con l'Italia - Election Day
Categoria:Partid politegh italian de center-destra