I Isol Falkland (Falkland Islands in ingles, parnonziaa [ˈfɔːlklənd]; Islas Malvinas in spagnoeul, parnonziaa [ˈislas malˈβinas]) hinn on arcipelegh del Regn Unii in del Ocean Atlantich. In total tucc i isol gh'hann ona superfis de squas 12.200 km².
A l'è on territòri contenduu in tra l'Argentina e 'l Regn Unii. De fatt, i Falkland hann vist passaa la Guerra di Falkland in del 1982 in tra i duu paes per ciapàss l'arcipelegh, guerra poeu vengiuda del Regn Unii.
Stòria I isol hinn staa senza abitant fin quand hinn staa descovrii di esplorador uropee, anca se se pensa che i Foegian de la Patagònia avarien poduu giamò visitài in de la Preistòria. L'ingles John Strong l'è el primm attestaa de vèss rivà sui i isol in del 1690, quand l'era dree a viagià vèrs i litoraj del Perù e del Cile. I Falkland hinn restaa anmò senza on quejvun che 'l ghe stava de cà fin al 1764, quand el capitani frances Louis Antonine de Bougainville l'ha metuu el Pòrt Louis sora i Falkland del Est, e al 1766, quand el capitani sozzes John MacBride l'ha fondaa el Pòrt Egmont sora l'Isola Saunders. In del 1766, la Franza l'ha bandonaa i sò pretes sora i Falkland, lassand i territòri a la Spagna. La cològna, adess spagnouela, l'ha mudaa el nòmm in Puerto Soledad l'ann dòpo. I problemma hinn scomenciaa quand che la Spagna in del 1770 l'ha descovrii e ciapaa 'l Pòrt Egmont. S'è andaa arent a la guerra, mancada per pòcch fasendoj tornà indree ai ingles in del 1771.
Governa I isol Falkland hinn un territòri ingles utònom d'oltramar.
Vos correlaa Guerra di Falkland