La red di tram de Praga a l'è la red pussee granda de la Cechia, fada de 142 km de binari, 931 tram e 21 lign de dì e 9 de nocc. A l'è gestii de la Dopravní podnik hlavního města Prahy a.s, compagnia del Comun de Praga.
A l'è verta cont i cavaj dal 1875 e cont i vittur elettrich dal 1891.
Storia El 23 de settember del 1875 a l'è verta la prima linia de tram a cavall, in su la strada Karlín - Teater Nazional, fada de ona ditta belga.
L'ann dopo a l'è estenduda, e in del 1883 a l'era longa 18,43 km.
In del 1891 a l'è verta la prima linia de tram elettrich, e in del 1898 la società elettrica la crompa la società di tram a cavall, e in del 1905, in regimm de monopoli, a l'è elettrificada tutta la linia.
Infrastruttura I binari a hinn tucc a scartament standard, e, in tra tucc i lign, a hinn longh 518 km.
La red la gh'ha 7 deposit, pussee vun che l'è domà on musee ferroviari.
Tram notturn De la mizzanocc ai 5:00/6:00 a gh'è el servizzi de tram notturn, pensaa per sostituì la metropolitana e con tucc i lign che convergen a Lazarská, cont on tram ògni 5 menut.
Material rotabil La red di tram la gh'ha circa 900 tram, sia vegg del period sovietich sia noeuv. Cont i vegg tram storich la cifra la supera i 1000.
Tatra El tram pussee tipich e spantegaa a l'è el Tatra T3, che l'è staa revampaa in del secol quell de XXI in d'on poo de unità.
Semper de la Tatra a gh'è el Tatra KT8D5 e 'l Tatra T6A5, pussee moderni e ordinaa in del period de la Revolution de Velluu.
Škoda In di ultim agn a hinn staa ordinaa di tram de la Škoda, moderni e a pianal rebassaa, in di modei 14 T e 15 T.
Lista Foto Tipo Total Tatra T3SU 1 Tatra T3SUCS 16 Tatra T3M.2-DVC19 Tatra T3M 5 Tatra T3R.PV 34 Tatra T3R.P 313 Tatra T3R.PLF 33 Tatra T6A5 106 Tatra KT8D5R.N2P 48 Škoda 14T 24 Škoda 15T 125 Škoda 15T4 89
Galleria d'immagin
Vos correlaa Funicolar de Petřín Metropolitana de Praga Esko Praha
Categoria:Straport a Praga Praga